Janosh

15 Me som e chachi drakh, muro Dad pale kon butyi kerel la drakhasa. 2 Sakone drakhaki kranga, so chi anel frukto, tele shinel, savo pale frukto anel, kodolen sa uzharel, inke majbut frukto te anel. 3 Tume aba uzhe san anda mure vorbi, so phendem tumenge. 4 Ashen kethane manca, thaj me kethane ashav tumenca. Sar e drakhuni kranga nashtig anel frukto pestar, feri kana pe drakh ashel, vi kade chi tume, feri kana manca kethane ashon. 5 Me som e drakh tume san le drakhaki krangi. Kon manca kethane ashel, thaj me lesa kethane, kodo but frukto anel, ke bi muro khanchi nashtig keren. 8 Atunchi bararen mure Dades, kana sar mure sityarde but frukto anen. 9 Sar o Dad kamelas man, kade kamav vi me tumen. Keren kade, ke mindig te shaj kamav tumen. 10 Andre te inkren mure krisa, mindig kamo tumen, sar vi me ande inkerdem le Dadeske krisa, thaj voj mindig kamela ma. 11 Anda kadi vorbindem tumenge pa kadala, ke vi tume kade te losshan, sar me. 12 Kado mangav tumendar, ke kade kamen jekhavres, sar me kamav tumen. 13 Naj majbaro kamipo, sar kana varikon pesko trajo del anda peske amale. 14 Thaj tume mure amala san, kodo te keren, so me phenav tumenge. 15 Chi akharav majbut tumen slugenge, ke e sluga chi zhanel, so kerel lesko raj. Feder amalenge akharav tumen, ke sogodi phendem tumenge, so kathar muro Dad shundem. 16 Na tume rakhle man, ke me rakhlem tumen. Pe kodo manglem tumen, ke mindig anen frukto, kesavo frukto savo ashol, thaj kade so feri mangen kathar o Dad, ando muro anav, dela les tumenge. 17 Kadala anda kado phenav tumenge, te kamen jekhavres. 18 Kana e luma xojajvel pe tumende, na bristren, ke pe mande majanglal xojardas, sar pe tumende. 19 Te kathar e luma avenas, sar pengiren kamelas tumen e luma. De anda kodo, ke chi san kathar la luma, feder me kidem tumen avri anda e luma, anda kodo e luma gracolpe tumendar.