Heberenge

12 Kade pale, ke kasave but lashe manusha si krujal pasha amende, shudas tele vi ame sako pharimo, thaj so peraven amen, le bezexa, thaj inkras avri ando nashipe, so angla amende shute, 2 sar po Jezush dikhas, kon bidoshake shutas amaro patyamo. Voj opre las e dukh anda lossh, so angla leste shute, ke po kasht te kecin les, chi azbadas les o lazhavo, thaj tele beshlas pe chachi rig pasha le Devlesko skamin. 3 Len sama pe leste, kon vi atunchi avri inkerdas, kana le bezexale manusha xojardes vorbinde lesa, thaj vi kasavi vorbinde, so naj lasho lenge, thaj kado zhutil tumen te na khinyontar, thaj te na den opre. 6 ke kas kamel o Jehova, kodoles thaneste shol. Ova, krisi shinel pe sakoneste, kas peske shaveske lel. 9 Thaj amen manusheske dada lasharnas, thaj ame patyivindam len. Atunchi te na mukhas amen inke majlashe jilesa amare duxoske Dadeske, te trajinas? 16 Sama len, te na aven mashkar tumende kasave, kon zhungale sexualisha butya kerel, chi kasavo, kaske naj kuch e sunti butya, sar o Ezhau, kon anda tejari xaben bikindas pesko angluno rakhadyimo.