Lukach

15 Pala kado kade vorbindas karing lende: „T’aven puterde tumare jakha, thaj len sama te na kamen tumenge but, ke vi te si barvalo varikon, lesko trajo na andar kodola inkerdyon, so si les.” 16 Pala kodo jekh paramicha phendas lenge: „Jekh barvalo manusheski phuv but dyiv andas. 17 Thaj kado gindindas ande peste: »So te kerav? Ke naj man dosta than, kaj kethane shaj te kidav muro dyiv.« 18 Pala kado, kodo phendas: »Kado kero: Sa muro pajta romusarav, thaj majbare keravav, thaj kothe kidav kethane muro dyiv, thaj mure barvalimata, 19 thaj kodo phenav mange: ’But barvalimata si tut, so pe but bersha dosta avla. Anda kado chi trubul te keres butyi, feri xa, pi, thaj av vojako!’« 20 De o Del kado phendas leske: »Dilo manush! Inke kadi ratyi meres. Atunchi kasko avla kodo, so kethane kidan?« 21 Kado avla kodole manushesa, kon but barvalimo kidel kethane peske, de angla le Devleski jakha voj naj barvalo.” 32 Na daran cerra bakre, ke tumaro Dad mishto dikhlas kodo, ke tumenge te del o krajipe.