Heberenge

4 T’avel patyivalo e colax angla sakoneste, thaj la colaxako trajo t’avel uzho, ke o Del krisarela kodolen, kon sexualisha bezexa keren, vaj colax phagren. 5 Le lovengo kamipo, te na avel ande tumaro trajo, te avel tumenge dosta so si tumen. Ke voj phendas: „Chi mukhav tut, thaj chi ashosa korkoro.” 6 Kade, igen tromake shaj avas, thaj vi shaj phenas: „O Jehova si muro zhutori, chi darav. So shaj azbal man manush?” 7 Na bisterdyon pe kodola, kon pe peste len ke traden tumen, kon le Devleski vorba phende tumenge, thaj sar dikhen, sar trajin, t’avel tumaro patyamo kasavo, sar lengo. 16 Thaj te na bisterdyon pe kodo, te keren lasho, thaj te ulaven kaverenca, so si tumen, ke kana kade den, zurales fajil le Devleske. 17 Mukhen tumen kodolenge, kon traden tumen, thaj keren, so phenen, ke von sama len pe tumende, kon vorba dena angla o Del. Kade losshasa kerena kado, thaj na phare jilesa, so chi avlas mishto tumenge. 18 Mindig te rudyinen anda amende, ke patyas anda kodo, ke uzhoj amaro jilo, ke ande sako butya patyivalo kamas t’avas.