2Peter

3 Majanglal trubuj te len sama pe kodo, ke ande palune dyesa avna kasave manusha, kon prassamne avena, thaj pa pengo jilo zhana, 4 haj kodo phenen: „Kaj si voj, sar shinadas? Ke zhi kathar muline le dada, sakofalo kade ashilas, sar kana kerdyilas e luma.” 5 Ke von chi kamen te gindin pe kodo chachipe, ke o cheri aba dulmut si, haj vi e phuv, so zurales avri vazdilas ando paji, haj kado pa le Devleski vorba pelas, 6 haj kathar kadala, e luma, so atunchi sas, pustisajlas, kana o paji shordasla. 7 So akanak si cheri thaj phuv, kodola vorbasa si opre inkerdi, ke jagasa te pustinpe pe kodo dyes, kana krisi shinen pe le bidevleske manusha. 8 Apol, len sama pe kodo, mure kamade phrala, ke angla o Jehova jekh dyes kattyij sar ezero bersh, thaj ezero bersh, sar jekh dyes. 9 O Jehova chi zhukaravavel pe peste, andre te pherdyarel so shinadas, sar kodo unyizhene gindin, ke zhukarel pe tumende, ke chi kamel, ke varikon te merel, ke kodo kamel, ke sakono te bunul peske bezexa. 10 De le Jehovasko dyes kade aveltar, sar jekh chor, thaj pe kodo dyes o cheri bare bashajimasa nachola, le kotora pale kathar o baro tatyipe kethane peren, thaj e phuv thaj so ande leste si butya, opre avena. 11 Apol, sa kadala trubul te bijal, len sama pe kado, ke t’aven kasave manusha, kasko trajo sunto, haj anda jilo slugin le Devles, 12 zhi kana zhukaren, haj zurales inkren anda tumari godyi le Jehovasko dyes! Pe kado dyes le cheri phabonatar haj nachonatar, haj le kotora kathar la jagako tatyipe biljana. 13 De nyevo cheri thaj nyevi phuv zhukaras, sar voj shinadas, thaj ande kadala chachipe beshela. 14 Anda kado, mure kamade, ke kadala zhukaren, keren sakofelo so zhanen, ke po agor, uzhes, bidoshales, haj anda pacha te rakhel tumen.