Kolosse

5 Anda kado mudaren tumaro phuvako teshto, te na keren zhungale sexualisha butya, te na aven biuzhe, te na phabon zurales kathar o sexualitashi, te na gindin tume po nasulipe, vaj but te kamen tumenge, sosa tele bandyon angla xoxamno del. 6 Anda kadala butya avel le Devleski xoji. 8 Akanak pale, mukhen opre la xojasa, le nasulimasa, le bipatyivale vorbenca, thaj te na mukhel tumaro muj zhungali vorba. 9 Na xoxaven jekhekavereske. Shuden tele pe tumende le dulmutane manushes, thaj vi kodo so kerde, 10 thaj len opre le nyeve manushes, so ando chacho pinzharimo nyeveske kerdyol, ke kasavo t’avel, sar kodo, kon kerdas les. 12 Sar sunti thaj kamade, kas o Del vazdas avri, uraven pe tumende o sunuipo, o dragimo, o tele bandyarimo, o pachako jilo, thaj inkren avri pachasa. 13 Vi majdur inkren avri pasha jekhavreste, thaj jertisaren jekhavreske andar jilo, inke vi atunchi, kana varikon shaj vazdilas opre peski vorba. Vi o Jehova andar jilo jertisardas tumenge, ande kado vi tume kade te keren. 14 Pasha kado, pale len opre o kamipe, ke kado si, so bidoshale phandel kethane. 15 Thaj te tradel tumaro jilo le Kristusheski pacha, ke pe kadi pacha akhardine tumen, kon jekh teshtosko kotor san. Thaj sikaven avri, ke najisaren. 16 Te avel ande tumende le Kristusheski vorba, barvales, sako godyaverimasa. Vi majdur sityaren thaj zuraren jekhekaveres asharimatonca, kethane asharen le Devles, gilaben najisarimo, thaj gilaben ande tumaro jilo le Jehovaske. 18 Romnyale, mukhen tumen tumare romenge, sar kodolendar shaj mangen, kon pala o Raj zhan! 19 Tume roma, vi pala kadi kamen tumare romnyan, thaj te na xojajven pe lende. 20 Shavorale, mindig keren kodo, so tumare dad thaj dej phenen tumenge, ke kadi igen dragoj angla o Raj. 21 Tume dada, na xojaren tumare shavoren, te na zhaltar lengi voja. 23 Kana keren variso, ando tumaro intrego jilo te keren kodo, sar le Jehovaske, thaj na sar le manushenge, 24 ke zhanen, ke kathar o Jehova lena tumaro potyinipe, so voj dela tumen. Slugisaren le Rajeske, le Kristusheske.