Sikadyimaski

21 Thaj nyevo cheri, thaj nyevi phuv dikhlem, ke o dulmutano cheri thaj e dulmutani phuv nachilas, thaj o baro paji aba naj. 2 Vi le suntone foros, le nyeve Jeruzhalemes dikhlem tele te avel anda cheri, kathar o Del, gataj, sar jekh shukar shej, kas opre urade peske romeske. 3 Pe kado baro cipipe shundom kathar le krajicko skamin, so kodo phendas: „Aketa! Le Devleski cerha le manushenca si. Thaj voj lenca beshela kodol pale leske nipura avna. Thaj lenca avla o Del. 4 Thaj tele khosela sako asva pe lenge jakha, thaj chi avla majbut meripo, chi briga, chi cipipe, chi dukh chi avla majbut. Le dulmutane butya nachile. 5 Thaj kodo, kon po krajicko skamin beshel, kodo phendas: „Sakofelo nyevo kerav!” Vi kodo phenel: „Iskirin tele, ke kadala vorbi chache si, thaj shaj patyan ande lende.”