Janosh

5 O Jezush pale kamelas la Marta, thaj la Martaka phenya, thaj le Lazares. 11 Pala soste kadala phendas, thaj pashe shutas: „O Lazar, amaro amal sovel, kothe zhav, opre te ushtyavav les.” 12 Le sityarde pe kado kodo phende leske: „Raja, te sovel, sastyola.” 13 De o Jezush pe le Lazaresko meripo vorbindas. Von pale kodo gindinde, pe kodo vorbil, ke sovel. 14 Atunchi o Jezush uzhes phendas lenge: „O Lazar mulas, 21 E Marta kodo phendas le Jezusheske: „Raja, te avilanas kathe, chi mulo muro phral. 22 De vi akanak zhanav, ke so feri manges kathar o Del, del les tuke.” 23 O Jezush kodo phendas lake: „Opre ushtyel tyiro phral”. 24 E Marta kodo phendas leske: „Zhanav, ke opre ushtyela, kana le mule opre ushtyon po paluno dyes”. 25 O Jezush kodo phendas leske: „Me som, o opre ushtyimo, thaj o trajo. Kon patyal ande mande, vi te merela, opre ushtyola, 38 Pala kado o Jezush inke jokhar pharo dyi cirdas, thaj kaj e gropa gilas. Kado jekh than sas, thaj jekh barr sas angla leste sutto. 39 Kado phendas o Jezush: „Len kothar o barr!” E Marta, le muleski pheny kodo phendas leske: „Raja, aba khandel, ke aba kado o shtarto dyes si.” 40 O Jezush kodo phendas lake: „Chi phendem tuke, te patyasa, dikhesa le Devlesko barimo?” 41 Line kothar o barr. O Jezush pale po cheri vazdas peske jakha, thaj kodo phendas: „Dade najisarav tuke, ke shundan man! 42 Chaches, zhanos, ke mindig shunes ma. Feri kon krujal si but manusha, anda kodo vorbindem, te patyan, ke tu bishaldan man.” 43 Thaj pala soste phendas kadala, baro cipindas: „Lazar, av avri!” 44 O mulo manush, atunchi avri avilas, leske vast, thaj leske punre andre sas phangle, lesko muj pale jekhe dikhlesa sas perdal phanglo. O Jezush kodo phendas lenge: „Putren les avri, thaj mukhen te zhal.”