Asharimata

34 Anda sako vrama asharav le Jehovas, anda muro muj lesko asharimata shordyol. 7 Le Jehovasko andyalo sama lel pe kodola, kon les daran, thaj muntuj kodalen. 10 Inke le terne, haj zurale bare muca bokhale, de kodolenge, kon le Jehovas roden, si sako lashimo. 12 Kon si kodo mashkar tumende, kon losshasa trajil, thaj inke kamelas te trajil but shukar dyesa? 13 Atunchi le sama pe tyi shib, te na phenes nasul, thaj tyire mujesa na xoxavker! 14 Bolde tut kathar o nasul, thaj lasho ker! Rode e pacha, thaj zumav te keres kodo! 15 Le Jehovaske jakha dikhel le chachen, thaj lesko kan shunel, kana karing leste cipinen. 16 De o Jehova shudel kodolen, kon nasulimo keren, thaj pe phuv khonyik chi serona pe lende, ke voj avri khosela len. 18 O Jehova pashal si karing le phagerde jileske, voj muntusarel kodolen, kon xasarde pengi zor. 19 But pharimata resela kodo, kon chachoj, de o Jehova anda sako muntij les. 20 Pe leske kokala sama lel, thaj chi jekh chi phagren mashkar kodola. 22 O Jehova muntil peske slugengo trajo, khanyikas chi inkrel doshaleske, kon leste zhal, te lel pe leste sama.