Roma

13 Sakono te mukhelpe le bare rajenge, ke naj bare raja, feri kathar o Del. So si bare raja, kathar o Del line pengo rajimo. 2 Apol, kon chi mukhelpe le bare rajenge, le Devleske krisake chi mukelpe. Kon chi mukelpe lake, kodolen krisarena. 3 Ke kathar le raja na kodolenge trubul te daran, kon lashimo keren, numa kodolenge, kon nasul keren. Kamesas, ke tena trubuj te daras kathar le raja? Mindig ker lasho, haj atunchi asharipe xutyiles lestar, 4 ke voj le Devleski slugaj pe tyi rig. De te nasul te keres, dara, ke na anda khanchi phiravel o xanro. Ke voj le Devleske slugil, ke kris te shinel pe kodo, kon nasulipe kerel. 5 Na feri anda kado trubul te mukhen tumen, ke daran, ke kris shinen pe tumende, de feder vi anda kodo, uzho te ashel tumaro jilo. 6 Thaj anda kodo potyinen love le themeske, ke von le Devleski slugi, thaj lengi butyi zhutil sakones, thaj vi majdur zhutila. 7 Den sakoneske, so phirel les: so o them mangel potyinimo, kodoleske o potyinimo, kaske e dar, kodoleske e dar, kaske e patyiv, kodoleske e patyiv. 8 Khanyikaske khanchesa te na kamen, feri kodolesa, ke kamen jekhkaveres. Ke kon kamel peske amales, kode ande inkrel e krisi. 9 E kris: „na phag colax!”, „na mudar!”, „na chor!”, „na kam anda tyo jilo kodo, so kavereskoj!”, thaj sako kaver krisa, ande kadi vorba si kethane: „te kames le manushen, sar tut.” 10 O kamipe chi kerel nasul khanyikaske. Kon kamel kaveren, kodo chaches inkrel e kris. 13 Sako dyes phiras patyivales, thaj inkras amen dur kathar o but xamasko, kathar o matyipe, kathar le sexualish zhungalimata, kathar o lazhavo, kathar o xapo, kathar e xoji kana, kavera baxtalej.