Lukach

2 Thaj kado phendas lenge: „Kana rudyin, kado phenen: »Amaro Dad, te suntosardyol tyiro anav. Te avel tyiro krajipo. 3 De amenge sako dyes amaro manro, dyes po dyes sar trubul. 4 Jertisar amare bezexa, ke vi ame jertisaras sakoneste, kon bezex keren amenge. Thaj na inger amen ando zumavipe«” 5 Pala kodo kado phendas lenge: „Phenas, ke mashkar tumende varikas si jekh amal, thaj kodo kothe zhal leste dopash ratyi, thaj kodo phenel leske: »Muro amal! De man unzhiles trin manre, 6 ke muro amal akanak avilas mande pa drom, thaj naj man so te dav les«. 7 De voj andral o kher kado phenel: »De man pacha, o vudar aba phandadoj, vi mure shavora aba ando pato sile manca kethanes, nashtig ushtyav opre, te dav tut!« 8 Phenav tumenge: chi tena ushtyela opre te del les anda kodo, ke voj lesko amal, de ke voj majdur mangel les, anda kado, opre ushtyel, thaj del leske kodo, so trubul les. 9 Anda kado, kodo phenav tumenge: Mindig mangen, thaj dena tumenge, mindig roden, thaj rakhena, mindig maren o vudar, thaj puterdyola. 10 Sakon, kon mangel, lel, kon rodel, rakhel, sakoneske, kon marel o vudar, kodoleske vi putrena kodo. 11 Mashkar tumende savoj kodo dad, kon kana lesko shavo mashes mangel, atunchi sapes del les? 12 Vaj kana anro mangel, skorpiovos del les? 13 Tume pale, vi te san bezexale, zhanen lashimo te den tumare shavoren, atunchi o Dad ando cheri, sodesa majfeder del sunto duxo kodolenge, kon mangen les!” 28 Voj kodo phendas: „Na. Inke kodola si baxtale, kon shunen le Devleski vorba, thaj vi andre inkren la!”