Marko

30 Le aposhtolura palpale gele kaj o Jezush, thaj pa kodola vorbinde leske, so von kerde, thaj so sityarde. 31 Thaj voj kado phendas lenge: „Aven pe jekh pachako than, kaj so numa amen san, thaj pashjon tele jekh cerra”. Ke butzhene avenas-zhanas, thaj inke chi kattyi vrama nas len, ke te xan. 32 Thaj geletar hajovosa pe kasavo than, kaj so feri von shaj aven. 33 Butzhene dikhline kana geletar, thaj vi kavera sama line kado. Anda kado le manusha sidyarasa kothe gele anda sako foro, thaj majsigo, aba angla lende kothe resline. 34 Kana o Jezush avri ushtyardas, bute manushen dikhlas, thaj sunundas len, ke kasave sasle, sar le bakre, kas naj pastori. Thaj las pe but sakofelo te sityarel len. 35 De aba pasha sas e ratyi, anda kado kothe gele leske sityarde, thaj kadi phende leske „E ratyi kathe si, thaj vi kado than jekh pusta si.” 36 Bishav len, te zhantar ande le gava, thaj te kinen penge xamasko.” 37 O Jezush kado phendas lenge: „Tumen den len te xan!” Atunchi kado phende: „Te zhas, thaj te kinas manro anda dujshela dinara, te shaj das le manusha te xan?” 38 Voj kodo pushlas lendar: „Sode manro si tumen? Zhan, thaj dikhen krujal!” Thaj kana aba zhanenas, kodo phende leske: „panzh manre si, thaj duj mashe.” 39 Atunchi kodo phendas lenge, te beshaven tele le manushen ande gruponde pe zeleno char. 40 Le manusha tele beshline, anda jekh-jekh grupo shel, thaj panzhvardesh zhene. 41 Atunchi las o Jezush le panzh manre, thaj le duje mashen, opre dikhlas po cheri, thaj najisisardas le Devleske. Pala kado phaglas le manre, thaj kothe dasle peske sityardenge te ulavenle. Vi le duje mashen ulavardas mashkar lende. 42 Savorazhene xaline, thaj vi chajiline. 43 Pala kado kethane kidine, so ashilas. Feri anda o manro deshuduj kosari sas. Thaj vi anda e mashe ashilas. 44 Ande le manre panzh ezera mursha xale. 56 Karing numa phirlas, pe forura, pe gava, avri shonas le nasvalen pe le foroske thana, thaj mangenas les, ke numa leske gadengo agor te shaj unzhon. Thaj sakon, kon unzhardas les, sastyolas.