Roma

12 Mangav tume anda kodo, phralale, anda Devlesko sunujipo te sikaven ande tumaro teshto, ke zhuvindoj, suntoj, thaj kade te den tume kothe angla O Del. Kade tumara godyasa keren sunto slugimo. 2 Thaj te na tradel majdur tumen kadi luma, thaj te bolden tumen kade, ke avri lasharen tumare gindura. Kade zhanena kodo, ke so si lasho, bidoshalo thaj so fajil le Devleske. 3 Ke o dragimo, so inke chi phirel, de me xutyildom, kodo phenav tumenge, te na gindinen majbut pe tume, sar trubul, feder uzhes te gindinen, kade, sar o Del das patyamo tumenge. 9 Tumaro kamipo te na avel chardo makhlo. Te gracon kathar o nasul, te cirden karing o lasho. 10 Anda chacho jilo te kamen jekhaveres. T’aven tumen e anglune, kon sikaven patyiv karing kaverende. 11 T’aven xarnyika, te na pashjon. T’avel ande tumende le duxoski jag. Sar le slugi kade slugisaren le Jehovaske. 12 Losshan kodoleske, so zhukarel pe tumende. Inkren avri ando pharipe. Te na mukhen opre la rudyimasa. 17 Khonyikeske na den palpale o nasulimo nasulimasa. Gindinen perdal kodo, so si, so sako manush lasheske inkrel. 18 Te shaj, sar pe tumende tordyol, te aven ande pachate sako manushesa. 19 Na potyinen palpale o nasul, mure dragi phral, feri mukhen, o Del te sikavel avri peski xoji, sar iskirime si: „»Muri si e xoji, me palpale potyinav« - kado phenel o Jehova.” 20 Majfeder „kana bokhaloj tyiro xojardo, de les te xan, kana trushalo si, de les te pel, ke kade te keres, jagalo angar kides pe lesko shero”. 21 Na mukh, majzuralo te avel tutar o nasul, o nasul mindig mar tele le lashimasa.