Jakab

7 Pachasa te zhukaren, phralore, zhikaj o Raj na avla kothe! Kon pe phuv kerel butyi, zhukarel kodi vrama, kana e phuv dela leske lasho frukto, thaj pachasa zhukarel, zhikaj chi avel o angluno thaj o paluno brishind. 8 Vi tume aven pachake, thaj zuraren tumaro jilo, ke pashadyol e vrama, kana o Raj kathe avla! 11 Losshakej kodola, kon avri inkerde. Shunde ke o Job avri inkerdas, thaj dikhle, so andas avri anda kado o Jehova, ke o Jehova lashe jilesko si, grizhil pe amende, thaj jertisarel amenge. 12 Majanglal, mure phral, na colaxaren majbut chi po cheri, chi pe phuv, chi khanchi kaver colaxenca. T’avel tumari ova ova, tumari nichi pale nichi, te na peren tela krisi. 13 Si mashkar tumende, kas variso pharimo si? Zurales te rudyil. Lashi voja si varikas? Te gilabel asharimata. 14 Nasvaloj varikon mashkar tumende? Te akharel peste le phuren anda khangeri, thaj te rudyin anda leste, te makhen les ulejesa ande Jehovasko anav. 15 Thaj o rudyimo, so ando patyamo si, sastyarel le nasvales, thaj o Jehova opre vazdel les. Vi te kerdas bezexa, o Del jertil leske. 16 Phenen avri tumare bezexa jekhavreske, thaj rudyin anda jekhavres, te sastyon. Bari zor si le chache manusheske rudyimaske. 17 O Illesh kasavo manush sas, kon kade hatyarelas sar ame, thaj kana zurales rudyindas te na del o brishind, chi das brishind pe phuv trin bersh thaj shov shon.