Efezush
5 Te aven kasavo, sar kon pala o Del phiren kamimaske shavora, 3 Pa le zhungale sexualisha butya, haj pe le biuzhipe, vaj pa le bokhalipe pe love, chi te na avel vorba mashkar tumende, sar kathar le suntura zhukaren, 4 chi zhungale butya, chi dili vorba, vaj zhungale pherasa, ke kado najlasho, feder phenen najisarimo. 5 Ke tume zhanen, haj pinzharen, ke khonyik chi xutyilel khanchi anda le Kristushesko, haj le Devlesko krajipo, ande kasko trajo zhungale sexualisha butya si, biuzhoj, vaj but love kamel, ke kado kodo sikavel voj ando xoxamno del patyal. 10 Sako vrama roden so fajil le Rajeske. 12 Ke so ando garudyimo keren, kodo vi lazhavo si te phenen. 15 Kade pale, mindig mishto len sama pe kodo, godyaveres te keren tumare butya, na diles. 16 Majfeder te len sama, so keren tumara vramasa, ke le dyesa nasulaj. 17 Apol, pala kado na aven dile, feder vi majdur te hatyaren, so kamel o Jehova. 22 Le romnya, te mukhenpe penge romenge, sar le Rajeske, 23 ke o rom shero si peska romnyake, sar vi o Kristush shero si la khangerake, ke voj muntuj kado teshto. 24 Ova, sar e khangeri mukhelpe le Kristusheske, kade vi le romnya te mukhenpe penge romenge ande sakofelo. 25 Tume roma, vi pala kado te kamen tumare romnyan, sar vi o Kristush kamelas e khangeri, thaj kothe daspe anda leste, 26 te suntosarel kodo, t’avel uzhardo le Devleska vorbake pajesa, 27 thaj kade, angla peste te shaj tordyarel la khangera, ande lako shukarimo, kade, te na avel pe kodo mel vaj korco, vaj variso kasavo, sunto, thaj uzho t’avel. 28 Thaj vi kade le romenge kade trubul te kamen penga romnya, sar pen. Kon kamel peska romyna, pes kamel, 29 ke khonyik chi gracondaspe pestar, feder xaxavel thaj grizhilpe, sar o Kristush la khangera, 30 ke ame lesko teshtosko kotora sam. 31 „Ande kado o mursh mukhel peske dades thaj peska deja, thaj cirdel kaj peski romnyi, thaj le duj jekh avla.” 32 Kado sunto garadyimo baroj. Akanak pal o Kristush, haj pal e khangeri phenav kado! 33 Kade pale, sakono kade te kamel peska romnya, sar pes, e romnyi pale zurales te patyivil peske romes.