Aposhtola

2 O Pal, sar so siklo sas, ande gelas lende, thaj trin shabbato sityardas len andar le Iskirimata. 3 Avri phendas thaj andre sikadas, ke le Kristusheske pe dukha trubundas perdal te zhal, thaj opre trubundas te ushtyol andar o meripe. Kado phendas: „Kado Jezush si o Kristush, pe kaste vorbij tumenge.” 11 Kadal pale majmishto gindinaspe, sar le tessalonikake, ke andar pengo jilo line andre le Devleski vorba, sako dyes sityonas o Iskirimo, ke kade si kadala butya. 16 Zhikaj o Pal ando Athen zhukarelas pe lende, xojajvelas, kana dikhlas, ke o foro pherdo si le xoxamne devlenca. 17 Thaj ande zhinagoga las te vorbisarel le biboldenca thaj kaver manushenca, kon patyan ando Del, thaj vi ando foro sako dyes kodolenge, kon kothe denas thaj biknenas. 22 O Pal opre tordyilas po Areopagusesko mashkar, thaj duma das: „Athenika murshale, kade dikhav, ke dichol, ke ande sakofelo andar tumaro jilo daran le devlen, sar kavera. 23 Ke kana krujal phirdom, haj dikhlom tumare devlen, rakhlom jekh kasavo oltaro, pe soste kado sas iskirime: »Le bi pinzharde Devleske.« Apol, kas tume chi pinzharen, haj vi kade patyivin les, pa kodo vorbinav me tumenge. 24 O Del, kon kerdas la luma, haj sogodi, so si ande late, kon si le cheresko, haj la phuvako raj, voj chi beshel ande khangera, saven vastesa cirden opre. 25 les chi trubul kathar manusheske vastengo slugipe, ke chi trubul khanchi les, ke voj del sakoneske trajo, haj phurdimo, haj sakofelo. 26 Haj anda jekh manush kerdas sako nipos, te trajin pe intrego phuv. Voj kerdas, thaj das e vrama, thaj kaj te trajin le manusha, 27 ke te roden le Devles, thaj inke lenge vastenca zumaven te xutyilen les, thaj vi te rakhen les, ke chaches, voj naj dur mashkar amende chi jekhestar. 28 Ke lestar si amaro trajo, lestar mishkisajvas, thaj sam, sar vi mashkar tumende sas poeti kon phende: »Ke leske shavora sam.« 31 Ke avri shutas jekh dyes, pe savo krisipe kerla pe phuv ando chachipo perdal pa jekh mursh, kas kothe tordyardas, haj peski vorba das pe sakoneske pe kodo, ke opre ushtyardas les anda o meripe.”