Asharimata

119 Baxtalej kodola kasko trajo patyivaloj. Kon anda le Jehovaski kris phiren. 2 Baxtalej kodola kon shunen leski vorba, thaj anda intrego jilesa sluginen les. 3 Chi keren bichachipe; thaj pe lesko drom phiren! 34 De man godyi, te shunav tyiri krisi, thaj anda muro intrego jilo te inkrav kado. 37 Bolde mure jakha, te na dikhav kasavo, so najkuch, le sama pe muro trajo pe tyiro drom! 42 te shaj dav palpale vorba kodoleske, kon prassal man, ke me ande tyiri vorba patyav. 47 Lossh rakhav ande tye krisi, ova, kamav len. 63 Kodolenge amal som, kon zurales patyivin tut, thaj kodo keren, so tu manges. 97 Zurales kamav tya krisa! Pe intrego dyes pa late gindijma. 99 Majuzhes dikhav, sar kon sityarde man, ke pe tyire vorbi gindisarav. 100 Majgodyaver som, sar le phure, ke kodo kerav, so tu phenes. 101 Chi zhav pe nasulenge droma, andre te inkrav tyiri vorba. 104 Inkrav tyire vorbi, kade godyaveres phirav, anda kodo gracuvav kathar sako xoxamno drom. 105 Kham si tyiri vorba, so sikavel kaj te ushtyavav, thaj kham, so sikavel muro drom. 113 Gracosarav kodolen, kaske jile naj uzho, de tyi krisi kamav. 159 Dikh, sar kamav tyi krisi! Muro Jehova, andar tyo baro kamipe, sama le pe muro trajo! 160 Tyiri vorba vorta chachimo si, thaj tye sogodi krisi chachej ande sako vrama. 163 Gracosarav thaj tele dikhav, so xoxamnoj, de tyi krisi kamav. 164 Sako dyes eftavar asharav tut, ke tye krisi chachej. 165 Bari pacha si kodolen, kon kamen tyi krisi, thaj naj khanchi, ande soste shaj peren. 176 Chi rakhav o drom, sar jekh xasardo bakro. Rode tye slugas, ke me chi bistrav tye vorba!