Filippi

3 Na keren khanchi anda kodo, ke xapo kamen te keren, vaj ke phutyarde san le, feder kovle jilesa inkren kaveren majbareske tumendar. 4 Na feri tumenge roden so si o lasho, feder so vi kaverenge lasho si. 5 Vi majdur te gindinen kade, sar o Kristush Jezush, 6 kon, kasavo sas, sar o Del, de chi jokhar chi gindindas pe kodo, te lel le Devlesko than, thaj jekh te kerdyol lesa. 7 Na, ke sogodi palal mukhlas, sluga thaj manush kerdyilas. 8 Inke majbut, kana avilas sar manush, majcineske kerdaspe, thaj muj patyandas, vi o merimo opre las, ova, o merimo po kasht. 9 Anda kado o Del vazdas les opre, thaj dragimasa kasavo anav das leske, savo opral si pe sako kaver anav, 12 Mure kamade, mindig muj patyande, na feri atunchi, kana tumenca simas, vi akanak, ke dur sim, inke majfeder. Vi kade keren butyi pe tumaro muntimo, kade, ke daran thaj izdran. 13 Ke o Del si kodo, kon zurarel tumen, ke kade inkrel lasheske. Ke o Del shol anda tumaro jilo kamipe thaj vi e zor, te zhanen te keren.