Heberenge

4 Inke angla amende si kado shinaipo, ke ande shaj zhas ande leski pacha, anda kado te losaras, te na inkren varikas mashkar amende bipatyivaleske pe kado. 2 Ke vi amenge phende e lashi vorba, sar vi lenge. De e vorba so shunde, chi zhutilas len, ke nasle kasavo patyamo, sar kodolenge, kon ashunde pe late. 12 Ke le Devleski vorba zhuvindoj, thaj zor mukhel avri, majzuralo si, sar o xanro, duj riga shinel o dyi kathar o duxo, shineltar le kokala kodolestar so ande kokala si, thaj uzhes zhanel te dikhel le jileske gindura, thaj so o jilo kamel. 13 Naj kasavo trajindo, kon garadoj angla leske, ke sakofelo nango, haj puterdo si angla kodaleske jakha, kaske vorba trubuj te das. 15 Ke na kasavo angluno rashaj si amen, kon chi zhanel jekh te hatyarel amare pharipenca, ke kasavoj, kon ande sakofelo zumado sas, sar ame, de voj chi kerdas bezex. 16 Te shoras avri amaro jilo, kana karing le dragimasko trono pashadyuvas, ke o Del te jertisarel, thaj kasavo dragimo te sikavel, so chi phirel amenge, thaj kana trubul, atunchi te zhutil amen.