Predikator

2 Majlasho te zhal anda kasavo kher, kaj varikon mulas, sar anda kasavo kher, kaj voja si, ke kado si sako manushesko agor. Ashunen kadi, kon trajil! 9 Chi av sigo xojako, ke e xoji ande dilengo kojin beshel. 10 Na phen: „Sostar sas majlashe le dulmutani dyesa, sar kadal?”, ke naj godyaver te pushel kasavo. 12 Ke o godyvarimo sama lel, sar le love, de o pinzharimo thaj o godyaverimo majlashoj, ke kodola inkren le manushen ando trajo. 16 Na kam t’aves majchacho sakonestar, thaj na sikav tut majgodyavereske. Sostar keresas tuke bibaxt? 20 Ke naj chacho manush pe phuv, kon mindig lasho kerel, thaj chi kerel dosh. 21 Na le pe tyo jilo, so le manusha phenen, thaj na shun, kana tyi sluga khusel tut. 22 Ke anda tyo jilo mishto zhanes, ke vi tu butivar dan armaja kaveren.