6. KOTOR
So si atunchi, kana varikon merel?
1. So avla le mulenca?
Kana o Jezush ande Bethania, pashal o Jeruzhalem reslas, phende leske ke o Lazar, lesko amal, aba shtar dyes mulo sas. Le Lazareske phenyanca la Martasa thaj la Mariasa, avri gelas kaj leski gropa. Na butara but manusha avile karing lende. O Jezush opre ushtyardas le Lazares. Sar shaj losshalas e Marta thaj e Maria! Dikh: Janoshesko 11:21–24, 38–44.
E Marta patyalas ande kodo, ke avla kasavo, kana opre ushtyena le mule, ke aba shundas pe leste. Zhanlas ke o Jehova opre ushtyarela le mulen, thaj pale shaj trajin pe phuv. Dikh: Jobeski 14:14, 15.
2. So si kodolenca, kon aba mule?
O Del kodi phendas le Adameske: „Ke praho san, thaj palpale zhasa ando praho” (GENEZARIMASKI 3:19)
Le manushen anda praho kerde (Genezarimaski [1Mózes] 2:7; 3:19). Naj ande lende duxo, thaj naj len khanchi, so trajila pala lengo meripe. Kana meren, tele tordyol lengi godyi, thaj xasardyon lenge gindura. O Lazar kana opre ushtyilas, khanchi chi phendas, anda kodo ke le mule khanchi chi zhanen. Dikh: Predikatoreski 9:5, 6, 10.
O Del ande jag phabarel le manushen, pala lengo meripe? E Biblia avri phenel ke le mule chi zhanen khanchi, kade o jagalo poklo xoxajimo si, thaj lazhavo anel pe o Del. Voj inke vi kathar kado gindo thaj gracojpe. Dikh: Jeremiasheski 7:31.
Dikh o filmo: So si le mulenca?
3. Zhanen te vorbin karing amende le mule?
Le mule chi zhanen te vorbisaren, thaj chi shunen khanchi (Salmongi [Zsoltárok] 115:17). Si nasul andyala, kon zhanen te vorbinen le manushenca, thaj patyaven kodo, ke von mule manusha si (2Peteresko 2:4). O Jehova chi mukhel te vorbinas le mulenca. Dikh: Dujto Krisaki (5Mózes) 18:10, 11.
4. Kon ushtyona opre?
Ande nyevi luma but milliovura aven palpale ando trajo. Vi kodola, kon chi pinzharde le Devles, thaj nasulipo kerde. Dikh: Lukachesko 23:43; Aposhtolenge (Cselekedetek) 24:15.
Kon opre ushtyon, shaj pinzharen o chachipo pal o Del, thaj shaj sikaven pengi patyiv karing o Jezush, thaj te keren kodo, so voj mangel (Viziovongi [Jelenések] 20:11–13). Kon kade kerena, sar le Jehovaske fajil, chi trubul te meren. Dikh: Janoshesko 5:28, 29.
5. So sikavel pal o Jehova kodo, ke le mule opre ushtyena?
Anda kodo shaj ushtyen opre le mule, ke o Del bishaldas peske shaves, pesko trajo te del ande amende. Kado le Jehovasko baro kamipe, thaj lashipe sikavel. Kado si te najisaras le Devleske, ke amendar nashtig reslamas les. Kasa kamesas te maladyos kana opre ushtyen le mule? Dikh: Janoshesko 3:16; Romaicko 6:23.