Sosko sas o trajo ando Paradichomo?

O Jehova sako lasho das le Adameske thaj la Evake (Genezarimaski 1:28).

O Jehova kerdas le angluni zhuvlya, la Eva, thaj romnyake das la le Adameske (Genezarimaski 2:21, 22).

O Jehova kana kerdas len, na sas ande lende kanchi nasulipo.

O Adam thaj e Eva trajonas ando Paradichomo, kado sas jekh shukar bar. Andadi bar kerdas o Del sakofelo trajo.

O Jehova vorbindas lenca thaj sityardas len. Te shunenas pe leski vorba, atunchi butaig zhuvdyon pe phuv ando Paradichomo.

O Del kodo phendas lenge nashtig te xan pa jekh kasht (Genezarimaski 2:16, 17).

O Jehova sikadas ande bar jekh kasht le Adameske thaj la Evake, thaj kodo phendas lenge, te xana pal o kasht, merna.

Le Devlesko jekh shavo na shundas pe Devleski vorba. Kado sas o Beng.

O Beng kodo kamel te kerel, hoj o Adam thaj e Eva te na kerel kodo so o Jehova phenel. Anda kado jekh sapes tradyas kaj la Eva te xal pal o kasht. Thaj kodo phendas na merela, de kasavi avla sar o Del. O Beng xoxadyas lake (Genezarimaski 3:1-5).