O baro Shordyimaskopaji – Sasko shundas po Del, thaj sasko na

Ande Noesko vrama but manusha nasul sas (Genezarimaski 6:5).

Le Adameske thaj la Evake shavore kerdile, thaj majbut manusha avile. Sas andyalura, kon pash o Beng tordyile.

Tele avile pe phuv thaj manusha kerdile, zhuvlyen te len romnyake. Kadala zhuvlyen brutalisha shave sas, kon maj zurales sas sar le manusha.

But manusha trajin pe phuv, kon nasulipo kerde. E Biblia kadi phenel: “baroj le manushesko nasulipe pe phuv, thaj ke leske ilesko intrego gindipe sa po nasul phirel”.

O Noe shundas so phenel leske o Del, thaj kerdas o baro hajovo (Genezarimaski 6:13, 14, 18, 19, 22).

O Noe lasho manush sas. O Jehova phendas le Noeske, avla o baro Shordyimaskopaji, thaj kado mudarela le nasul manushen.

O Del kodi vi phendas leske te kerel jekh baro hajovo. Thaj te ligrel andre peski familija thaj sakofelo peduren (allatura).

O Noe duma das le manushenge, na butara avel o Shordyimaskopaji, chi inkerde pe leski vorba. Cerra manusha avri assale les, kavera xojavdine pe leste.

Kana o baro hajovo gata sas, o Noe andre ligerdas le peduren (allatura).