Дила
23 О Павло диқля пэ сындомаря андо Ӷлавно иудейско сындо* и ԥэндя: «Ԥрала, мэ идоси андярав пэс кадя, кай мэрни совесть вужи англа Дэл». 2 Тоди о ӷлавно рашай о Ана́ния приԥэндя кодэлэнди, ко тердёлас паша Павло, тэ дэндап лэс па вуштэндэ. 3 Пэ када о Павло ԥэндя лэсти: «О Дэл марэла тут, белимэ стина! Ту бэшэс катэ, кай тэ сындос ман па законо, ай екжэно жас против лэстэ и приԥэнэс тэ марэн ман!» 4 Кодэла, ко тердёлас паша лэстэ, холяса ԥэндэ: «Када жэ лэ Дэвлэско ӷлавно рашай! Васо ту найпативалэс дэс дума лэса?» 5 О Павло ԥэндя: «Ԥрала, мэ на ӷанглэм, кай во ӷлавно рашай. Важ кода кай пистромэ: „На́ дэ дума найпативалэс пала баро мануш андэ тиро народо“».
6 О Павло ӷанэнас, кай андо Ӷлавно иудейско сындо епаш сындомаря сас садукеёря и епаш — фарисеёря, важ када во ԥэндя: «Ԥрала, мэ сым фарисеё и мэрно дад фарисеё. Мэ патяв, кай и мулэ моӷут тэ жундён, — пала када ман адес и сындон». 7 Кала во када ԥэндя, и фарисеёря и садукеёря линэ тэ споринпэ, и о сындо розделисайля. 8 (И садукеёря сытярэн, кай и мулэ не моӷут тэ жундён и кай лэ анӷелонэн* нинай, ай и фарисеёря андэ вся када патян.) 9 Вазгляпэ баро шумо, и дэсавэ законикоря анда фарисеёря ущелэ и холяса ԥэндэ: «Амэ гиндосарас, кай кадэва мануш на стердя нисо вэрыто. Ну ай если лэса дя дума о анӷело*...» 10 Кала вонэ линэ тэ споринпэ инке май фартэ, о барэдэр халавдо приԥэндя лэ халавдэнди тэ жан тэ залэн лэ Павлос и тэ ундярэн лэс андэ халавдицки баракоря, важ кода кай пережывал, кай лэс моӷут тэ росшынэн.
11 Андэ кодэя рят лэ Павлости сыкаделя о Баро Хулай и ԥэндя: «Ав смило! Сар ту зашосаспэ пала мандэ андо Иерусалимо, кадя лэса тэ зашоспэ и андо Римо».
12 Пэ авэр дес и евреёря доԥэнделэ машкар пэстэ и солахадэ* тэ на хан и тэ на пэн, пока на умарэна лэ Павлос. 13 Кацави солах динэ май бут чем 40 мануша. 14 Вонэ жылэ каринг и барэ рашая и барэдэра и ԥэндэ: «Амэ солахадям нисо тэ на хас, пока на умараса лэ Павлос. 15 Важ када тумэ и о Ӷлавно иудейско сындо мангэн лэ барэдэрэ халавдэс тэ анэн лэс каринг тумэндэ, хабис тумэ камэн май драго тэ розлэнпэ андэ лэстири дила. Ай амэ умараса лэс па дром кардэ».
16 Но лэ Павлоско племинико уӷангля, кай вонэ камэн тэ хутилэн лэ Павлос па дром. Во авеля андэ халавдицки баракоря и ԥэндя лэсти пала када. 17 Тоди о Павло ақардя еқэ барэ халавдэс и мангля: «Одындяр кадэлэ шаворэс каринг о барэдэр халавдо, во камэл коесо лэсти тэ ԥэнэн». 18 Во андярдя лэс каринг о барэдэр халавдо и ԥэндя: «О Павло, саво бэшэл амэндэ, ақардя ман и мангля тэ андярав каринг тутэ кадэлэ шаворэс. Во камэл тути варисо тэ ԥэнэн». 19 О барэдэр халавдо ля лэс вастэстар, одындярдя андэ риг и пушля: «Со ту камэс манди тэ ԥэнэс?» 20 Лэ Павлоско племинико ԥэндя лэсти: «И евреёря доԥэнделэ тэ мангэн тут, кай ту тэся тэ анэс лэ Павлос андо Ӷлавно иудейско сындо, хабис кай май драго тэ розлэнпэ андэ лэстири дила. 21 Но ту на́ патя лэнди, важ кода кай лэс камэн тэ хутилэн па дром варикай 40 мануша. Вонэ солахадэ тэ на хан и тэ на пэн, пока на умарэна лэс. Акана вонэ аштярэн, кай ту тэ соӷласиспэ тэ стерэс кадя, сар вонэ манглэ». 22 Тоди о барэдэр халавдо одмэкля лэ шаворэс, но май данглал ԥэндя лэсти: «На́ проԥэн андэ дума, кай ту росԥэндян манди пала када».
23 Во ақардя дуе барэ халавдэн и приԥэндя лэнди: «Стидэн 200 халавдэн, 70 халавдэн пэ грас и 200 халавдэн лэ копьёнэнца. Мэк вонэ авэн ӷотови тэ вижан в девять часов вечера* и тэ жан андэ Кеса́рия. 24 Кадяжэ дэн лэ Павлости грастэн, кай безопасно тэ доандярэн лэс каринг о правителё Фе́ликсо». 25 И во пистросардя кацаво письмо:
26 «Пативало правителё Фе́ликсо! Мэ, о Кла́вдиё Ли́сиё, пистросарав тути письмо! 27 Кадэлэ манушэс и евреёря хутилдэ́ и камлэ тэ умарэн, но мэ пэстирэ халавдэнца авелэм и спасысардэм лэс, важ кода кай уӷанглэм, кай во римско ӷражданино. 28 Кай тэ розлавпэ, андэр со лэс дошалярэн, мэ андярдэм лэс андэ лэнго Ӷлавно сындо 29 и полэм, кай лэс дошалярэн па лэнго законо и кай во на стердя нисо кацаво, важ со лэс трэбуй тэ умарэн или тэ бэшарэн андо баруно. 30 Но мэ уӷанглэм, кай кадэлэ манушэс тидэнпэ тэ астарэн и тэ умарэн. Важ када мэ сразу бишалдэм лэс каринг тутэ и приԥэндэм лэ манушэнди, савэ лэс дошалярэн, тэ стерэн када англа тутэ».
31 И халавдэ, сар лэнди сас ԥэндо, линэ лэ Павлос и андярдэ лэс и рят андэ Антипатри́да. 32 Пэ авэр дес вонэ бишалдэ лэс май дур вместе лэ халавдэнца пэ грас, ай екжэнэ рисайлэ андэ халавдицки баракоря. 33 Кала и халавдэ пэ грас авелэ андэ Кеса́рия, вонэ пэрэдинэ лэ правителёсти о письмо и отдинэ лэсти лэ Павлос. 34 Кала о Фе́ликсо проадиносардя о письмо, во пушля лэ Павлостар, катар во сыно, и уӷангля, кай анда область Килики́я. 35 Во ԥэндя: «Мэ розлавапэ андэ тири дила, кала авэна кодэла, ко тут дошалярэнас». И во приԥэндя тэ заԥандавэн лэ Павлос андэ лэ Ирадоско дворецо.