Свынто тайна

8 Кала во зля и седьмо печать, по небо варикай пэ епаш часо ашэля тихо. 2 И мэ додиқлэм семь анӷелонэн, савэ тердёнас англа Дэл. Лэнди динэ семь трубы.

3 Кадяжэ авеля о анӷело, савэстэ сас сомнакуни кадила, и терделя паша жэртвенико. Лэстэ сас бут ароматно смесь*, кай тэ сԥабарэл ла по сомнакуно жэртвенико, саво англа троно. Во трэбуй сас када тэ терэл андэ кодэя время, кала и свынти взвинпэ андэ молитва каринг о Дэл. 4 О ҭув кодэлэстар, кай о анӷело сԥабардя и ароматно смесь, вазгляпэ каринг о Дэл вместе лэ свынтонэндирэ молитвэнца. 5 Сразу посли када о анӷело зашутя андэ кадила ԥабардо янгар па жэртвенико и шутя пэ ԥув. Тоди мардя о ӷромо, ашунделэ и ӷолосоря, динэдап и молнии и пэрэтиносайля и ԥув. 6 Ай и семь анӷелоря, савэндэ сас семь трубы, тидэ́пэ тэ ӷудин.

7 О пэрво анӷело заӷудисардя андэ труба. И пэ ԥув пэля о ӷрадо и яга, савэ сас зӷамимэ лэ ратэса. И сԥабеля баро котор* ԥув, ай кадяжэ бут* витки и вся и чар.

8 О дуйто анӷело заӷудисардя андэ труба. И варисо кацаво, со шолпэ по баро плай, саво ԥаболас ягаса, пэля андэ моря. И лэ паестири бари часть* андэ моря ашэля ратэса, 9 и бут* кодэла, ко жувэл андэ моря, хынделэ, и бут* кораблёря розмарделэ.

10 О трито анӷело заӷудисардя андэ труба. И бари черӷай, сави шолпэ пэ лампа*, пэля па небо пэ бут* лэна и пэ бут родникоря. 11 Пэ кадэя черӷай ԥэнэн Палынь. Лэ паестири бари часть* ашэля кирки, сар палынь, и бут мануша хынделэ лэ паестар, важ кода кай во ашэля кирко.

12 О штарто анӷело заӷудисардя андэ труба. И римосайля лэ қамэстири бари часть*, лэ шонэстири бари часть* и бут* черӷая. Када сас стердо, кай и бари часть* андар лэндэ тэ тэмной и кай лэ десэстири трито часть и ла рятятири трито часть тэ ашэлпэ би светоско.

13 Мэ додиқлэм лэ орлос, саво вурялас вучес андо небо, и ашундэм, сар во ӷромко ԥэнэнас: «Бида, бида, бида кодэлэнди, ко жувэл пэ ԥув, кала вонэ ашунэна, сар андэ трубы ӷудина авэр трин анӷелоря, савэ тидэ́пэ тэ ӷудин!»