Свынто тайна
14 Посли када мэ додиқлэм, кай по плай Сио́но тердёл о Бакроро и лэса 144 000, савэндэ по чикат пистромэ лэско алав и лэстирэ Дадэско алав. 2 Мэ кадяжэ ашундэм, сар па небо ашунделя варисо кацаво, ԥэнэса ӷромко шумий о баро паи и фартэ марэл о ӷромо. Када сар анда муй дилабэн кодэла, ко дилабэл пэ арфа. 3 Вонэ дилабэнас англа троно, англа штар зоралэ анӷелоря и англа барэдэра ек дили, сави здэласпэ нэви. И никастэ на вижалас тэ висытёл кадэя дили — кати кай и 144 000, савэн тиндэ па ԥув. 4 Када кодэла, ко на тердя билажавардимос* лэ жувлянца, вонэ вужэ. Вонэ лэна тэ ԥирэн пала Бакроро, каринг во тэ на жал. О Дэл тиндя лэн па ԥув, кай вонэ тэ авэн пэрви анда мануша сар жэртва лэсти и лэ Бакрорэсти. 5 Лэндэ пэ шыб нинай хохаимос, пэр лэндэ нинай дош.
6 Тоди мэ додиқлэм лэ анӷелос, саво вурялас вучес ла ԥувьятар. Во росԥэнэнас и вечно лащи новость лэ мирости пэ ԥув, кодэлэнди, ко анда всаворэ нацыи, породы и народоря, савэ дэн дума пэ разни шыба. 7 О анӷело ӷромко ԥэнэнас: «Даран лэ Дэвлэстар и прижанэн, кай во ашунгло, важ кода кай поджыля и время важ лэско сындо! Тэлён Кодэлэсти, ко стердя о небо, и ԥув, и моря и родникоря!»
8 Пала лэстэ вурялас о дуйто анӷело, саво ԥэнэнас: «О Ашунгло Вавило́но пэля! Кадэва форо паярэлас всаворэ́ народонэн лэ виноса, через саво лэндири цыпа здрал* пала билажавардимос*!»
9 Пала лэстэ вурялас о трито анӷело, саво ӷромко ԥэнэнас: «Кодэва, ко тэлёл лэ зверёсти и лэстиря статуяти и кастэ исин знако по чикат или по вас, 10 лэла тэ пэл лэ Дэвлэстири бари холи, сар вино, саво фартэ вужо и саво шуто андэ лэстиря холяко стакано, и лэла тэ мучийпэ андэ яг и андо ядовито паро* англа свынти анӷелоря и англа Бакроро. 11 О ҭув ла ягатар, андэ сави вонэ мучинпэ*, лэла тэ ваздэлпэ вечно. Кодэлэнди, ко тэлёл лэ зверёсти и лэстиря статуяти и кастэ исин лэстирэ алавэско знако, на авэла покоё ни о дес, ни и рят. 12 Лэ свынтонэнди — кодэлэнди, ко ритярэл лэ Дэвлэско законо и на парашэл тэ патял андо Исусо, — трэбуй тэ ашэнпэ састэ андэ ԥари время».
13 И мэ ашундэм, сар па небо сас ԥэндо: «Запистросар: „Бахталэ кодэла, ко кадэла времятар мэрэл, но кастэ ашэлпэ ек гиндо лэ Барэ Хуласа. О Дэл через пэско зор ԥэнэн, кай вонэ отцыёна пэстиря дилатар, важ кода кай лэндири дила ужала вместе лэнца“».
14 Потом мэ додиқлэм парни туча, и пэ туча бэшэлас варико, ко шоласпэ пэ лэ манушэско шаво. По шэро лэстэ сас сомнакуни корона, ай андо вас — востро сэрпо.
15 Авэр анӷело вижыля анда қандири и ӷромко ԥэндя кодэлэсти, ко бэшэлас пэ туча: «Лэ о сэрпо и сти́дэ о урожаё: поджыля и время тэ стидэн о зэрно и о урожаё пэ ԥув спилосайля». 16 Кодэва, ко бэшэлас пэ туча, змэкля о сэрпо пэ ԥув, и о урожаё сас стидо.
17 Тоди анда қандири по небо вижыля инке ек анӷело, лэстэ тожэ сас востро сэрпо.
18 Инке ек анӷело появисайля анда жэртвенико, лэстэ сас право тэ хулаий пэ яг. Во ӷромко ԥэндя кодэлэсти, кастэ сас востро сэрпо: «Змэк о сэрпо пэ ԥув и сти́дэ о урожаё па виноӷрадно витка, важ кода кай о виноӷрадо ужэ ашэля спило». 19 О анӷело змэкля о сэрпо пэ ԥув, сшындя и виноӷрадно витка и шутя ла андэ лэ Дэвлэстиря холяко басэйно важ о вино. 20 О виноӷрадо тасавэнас пала форо, и о рат дэлас упрал анда басэйно важ о вино. О рат вазгляпэ жы кай лэ грастэндирэ вудилы и роспитяяпэ пэ 296 километроря*.