Лука
13 Андэ кодэя время о миро, саво сас котэ, росԥэндя лэ Исусости пала мануша анда Галиле́я, савэн о Пила́то умардя, кала вонэ анэнас жэртвы*. 2 Пэ када во ԥэндя лэнди: «Тумэ гиндон, кодэла мануша анда Галиле́я сас май бэзэхэстирэ аврэ манушэндар анда Галиле́я, если лэнца кацаво тердяпэ? 3 Най! Но если тумэ на каинапэ, тумэ тожэ хындёна. 4 Или тумэ гиндон, кодэла 18 мануша, пэ савэ пэля и башня андо Силаа́мо и умардя лэн, сас май дошалэ аврэ манушэндар андо Иерусалимо? 5 Най! Но если тумэ на каинапэ, тумэ тожэ хындёна».
6 Потом во росԥэндя кацаво примеро: «Кай ек мануш андо виноӷрадно садо барёлас инжырово витка. Еқвар во авеля и ля тэ родэл, со пэр латэ вибареля, но нисо на виарақля. 7 Тоди во ԥэндя лэ манушэсти, саво залэласпэ лэ виноӷрадоса: „Мэ ужэ трин бэрш авав тэ диқав, вибареля варисо пэ кадэя инжырово витка чи най, но нисо на виарақав. Вишын ла. Состэ вой евья залэл о ҭан?“ 8 Но кодэва мануш ԥэндя: «Хулай, ашав кадэя витка инке пэ бэршэстэ. Мэ обӷанавава круӷом латэ и ԥув и шава о навозо. 9 Если посли када пэ витка варисо вибарёла, тоди драго, ай если най, вишынэса ла“».
10 В суботу о Исусо сытярэлас андэ синагога. 11 Котэ сас манушни, сави сас насвали 18 бэрш, через кода кай андэр латэ сас о найвужо. Вой сас фартэ збанги и не моӷла тэ вивортойпэ. 12 Кала о Исусо додиқля ла, во ԥэндя: «Манушни, ту исцэлисайлян пэстирэ насвалимастар». 13 Во стодя пэр латэ и вас, и вой сразу вивортосайля и ля драго тэ дэл дума пала Дэл. 14 Ай лэ барэдэрэсти пэ синагога на чалеля, кай о Исусо исцэлисардя в суботу, кочай во ԥэндя лэ мирости: «Исин шов деса, кай тэ терэн дила, важ када авэн тэ исцэлинпэ андэ кадэла деса, ай най в суботу». 15 Но о Исусо* ԥэндя: «Двухлични мануша, хэба тумэ в суботу на отԥандэн пэстирэ гурувэс или лэ ишакос и на виандярэн лэс анда сараё тэ паярэн? 16 Тоди хэба на трэбуй сас в суботу тэ освободисарас кадэла манушня, лэ Авраамостиря щя, савя о Сатана уритярэлас збангя 18 бэрш?» 17 Кала во када ԥэндя, всаворэ́ лэстирэ вороӷонэнди ашэля лажаво, ай о народо лошавэлас, кай диқэлас и удивительно дила, сави во терэлас.
18 Инке во ԥэндя: «Пэр со шолпэ лэ Дэвлэско Царство и соса лэс тэ сыстосарав? 19 Во шолпэ по само цынёнё* зэрницо, саво о мануш посадисардя андэ пэстири града*. Во вибареля и ашэля витка, и пэр латэ линэ тэ жувэн и чирикля».
20 Во упалэ ԥэндя: «Соса манди тэ сыстосарав лэ Дэвлэско Царство? 21 Во шолпэ пэ опара, сави и манушни зӷамисардя тринэ сатэнца* яро, и вазгляпэ вся о хумэр».
22 Па дром андо Иерусалимо о Исусо прожалас па фороря и па гава и сытярэлас лэ мирос. 23 Ек мануш пушля лэстар: «Учителё*, чачимос када, кай спасынапэ кати набут мануша?» Во ԥэндя лэнди: 24 «Пристон вся о зор, кай тэ прожан через и вусько вудар. Ԥэнав тумэнди: бут мануша лэна тэ старыинпэ тэ зажан, но лэндэ на вижала. 25 Кала лэ цэрэско хулай ԥандавэла и вудара, тумэ тердёна аврял и лэна тэ стучин и тэ мангэн: „Ԥэрнав амэнди*“. Но во ԥэнэна: „Мэ на ӷанав, ко тумэ“. 26 Тоди тумэ лэна тэ ԥэнэн: „Амэ хасас и пасас туса, и ту сытярэсас амэн пэ ӷлавни вулицы“. 27 Ай во ԥэнэна тумэнди: „Мэ на ӷанав, ко тумэ. Вижан мандар па яқа, всаворэ, ко терэл неправильно!“ 28 Тумэ лэна тэ ровэн и тэ мучинпэ*, кала диқэна, кай о Авраамо, о Иса́ко, о Иа́ково и всаворэ лэ Дэвлэстирэ особи мануша — андэ лэ Дэвлэско Царство, ай тумэн видарадэ май дур. 29 И мануша авэна анда разни краёря* и бэшэна пала столо андэ лэ Дэвлэско Царство. 30 Дэсавэ послидни ашэна пэрви, ай дэсавэ пэрви ашэна послидни».
31 Андэ кодэя время каринг о Исусо поджылэ дэсавэ фарисеёря и ԥэндэ: «Тути фэдэр тэ ужас катар, важ кода кай о И́радо камэл тут тэ умарэл». 32 Во ԥэндя лэнди: «Жан и ԥэнэн кадэла лисати: „Мэ лава тэ видаравав лэ найвужэн и тэ исцэлисарав лэ манушэн адес и тэся, ай по трито дес парашава“. 33 Но адес, тэся и послитэся мэ трэбуй тэ на парашав тэ терав пэстири дила и тэ жав май дур, важ кода кай не можэт тэ авэл*, кай лэ Дэвлэстирэ особонэ манушэс тэ умарэн най андо Иерусалимо. 34 Иерусалимо, Иерусалимо, саво умарэл лэ Дэвлэстирэ особонэ манушэн и помарэл барэнца кодэлэн, кас бишалдэ каринг тутэ... Скативар мэ камавас тэ стидав тирэ бэятонэн, сар и каӷни стидэл тала ԥақа пэстирэ пуёнэн! Но тумэ на закамлэ. 35 Важ када тумаро цэр авэла замэкло. Ԥэнав тумэнди: тумэ на диқэна ман, пока на ԥэнэна: „Бахтало* кодэва, ко жал лэ Иеговастирэ* алавэстар!“».