Лука

24 Андо пэрво дес андо курко, рано тэсара, и жувля жылэ каринг и моӷилка, вонэ линэ пэса и ароматни чаря, савэ зӷамисардэ май данглал. 2 Но кала вонэ авелэ интя, вонэ додиқлэ, кай о бар откотисардо ла моӷилкатар. 3 Вонэ зажылэ интя, но на виарақлэ котэ лэ Барэ Хуластири лэ Исусостири тила. 4 Вонэ тердёнас и нисо нащи полэнас, и неожыдано англа лэндэ появисайлэ дуй мурша андэ ӥда, сави светияспэ. 5 И жувля пэрэдарайлэ и дажэ на ваздэнас и яқа, ай кодэла мурша ԥэндэ лэнди: «Васо тумэ родэн лэ жундэс машкар и мулэ? 6 Лэс катэ нинай. Во жунделя. Сэрэн, сар во инке андэ Галиле́я ԥэнэнас тумэнди, 7 кай лэ манушэско Шаво попэрэла андэ вас лэ бэзэхэстирэ манушэнди, лэс казнина по столбо и по трито дес во жундёла». 8 Тоди лэ жувлянди авелэ по гиндо лэстирэ алава 9 и вонэ, кала рисайлэ палпалэ, росԥэндэ пала вся лэ 11 апосталонэнди и аврэ учениконэнди. 10 Када сас и Мария Магдали́на, и Иа́на, ай кадяжэ и Мария, лэ Яковостири дэй. Авэр жувля, савэ сас лэнца, тожэ росԥэндэ пала када лэ апосталонэнди. 11 Но важ лэндэ вся када здяпэ дилимос, и вонэ на патяе лэ жувлянди.

12 Ай о Пётро взбисайля и прастая каринг и моӷилка. Во притэлеля и задиқля андрэ, но додиқля кати и лёново кирпа. Во нащи полэлас, со тердяпэ, и ужыля котар.

13 Андэ кодэва жэ дес дуй ученикоря жанас андо гав Ема́усо, жы каринг саво лэ Иерусалимостар варикай 11 километроря*, 14 и дэнас дума ек еқэса пала вся, со тердяпэ.

15 Кала вонэ дэнас дума пала када, каринг лэндэ поджыля о Исусо и жыля вместе лэнца, 16 но вонэ лэс на ӷатярдэ. 17 Во пушля: «Пала со тумэ кадя интересно дэн дума?» Вонэ притерделэ, лэндэ сас помэклэ муя. 18 Ек андар лэндэ, о Клео́па, ԥэндя лэсти: «Ту со, найкатутно, жувэс андо Иерусалимо и мироса на диқэспэ? Хэба ту на ӷанэс пала кода, со тердяпэ андо форо важ кадэла деса?»* 19 Во пушля лэндар: «Пала со?» Вонэ ԥэндэ: «Пала кода, со тердяпэ лэ Исусоса анда Назаре́то — лэ Дэвлэстирэ особонэ манушэса, во англа Дэл и англа вся о миро сас састо андэ дила и андэ дума. 20 Амарэ барэ рашая и барэдэра отдинэ лэс кодэлэнди, ко виандярдя лэсти смэртно приӷоворо, и потом примардэ лэс каринг о столбо. 21 Ай амэ надеисавасас, кай када во освободия о Израилё. Тай инке жыля ужэ трито дес кодэлэстар, сар када тердяпэ. 22 Инке амэ удивисайлям, со ԥэндэ дэсавэ амарэ жувля. Вонэ рано тэсара жылэ каринг и моӷилка, 23 но на виарақлэ котэ лэстири тила. Кала вонэ рисайлэ, вонэ росԥэндэ амэнди, кай лэнди сыкаделэ и анӷелоря, савэ ԥэндэ, кай во жундо. 24 Тоди дэсавэ анда амарэ жылэ каринг и моӷилка и додиқлэ, кай вой шущи, сар и ԥэнэнас и жувля. Но лэс вонэ на додиқлэ».

25 Тоди во ԥэндя лэнди: «Савэ тумэ найгодявэрнэ и сар жэ найвушэро тумэнди тэ патян всаворэсти, со ԥэнэнас лэ Дэвлэстирэ особи мануша! 26 Хэба о Христос на трэбуй сас тэ пэрэандярэл вся кадэва ԥаримос и бида и потом тэ ашэл ашунгло?» 27 И во росԥэндя лэнди вся, со пала лэстэ пистромэ андэ Свынти Лила: во заля лэ Маисеёстар и всаворэ́ лэ Дэвлэстирэ особонэ манушэндар.

28 Каринг кодэя время вонэ ужэ поджылэ каринг о гав, андэ саво жанас, и во тердя муй, кай жал май дур. 29 Но вонэ линэ тэ мангэн лэс: «Ашпэ амэнца, важ кода кай о қам ужэ бэшэл и ӥто тэмноя». И во жыля лэнца. 30 Кала вечером вонэ бэшлэ тэ хан, во ля о марно, мангляпэ*, росԥагля лэс и дя лэнди. 31 Тоди лэндэ ԥэрнаделэ и яқа, и вонэ ӷатярдэ лэс, но во парашэля лэнди тэ дицол. 32 Вонэ ԥэндэ ек еқэсти: «Хэба на ԥаболас амаро ди, кала во дэлас дума амэнца па дром и поможыяс тэ полас и Свынти Лила?» 33 Вонэ сразу жылэ андо Иерусалимо и виарақлэ котэ лэ 11 апосталонэн и аврэ учениконэн, савэ сас лэнца. 34 И апосталоря лэ учениконэнца ԥэндэ: «О Учителё* чаче жунделя и сыкаделя лэ Симаности!» 35 Вонэ росԥэндэ, со сас лэнца па дром и сар вонэ ӷатярдэ лэс, кала во ԥагэлас о марно.

36 Пока вонэ пала када дэнас дума, машкар лэндэ появисайля о Исусо и ԥэндя: «Лашымос тумэнди*». 37 Но вонэ фартэ пэрэдарайлэ и андэ даратэ погиндосардэ, кай лэнди сыкадёл. 38 Во ԥэндя лэнди: «Васо тумэ кадя пэрэдарайлэ и васо тумаро ди на допатял? 39 Диқэн пэ мэрнэ вас и пэ мэрнэ пэрнэ: када мэ. Лэнпэ каринг мандэ и диқэн, важ кода кай если варисо сыкадёл, кадэлэстэ нинай тила и кокаля, ай мандэ, сар диқэн, исин». 40 Посли кадэла алава во сыкадя лэнди пэстирэ вас и пэрнэ. 41 Но вонэ, хоть и лошавэнас и удивинаспэ, всаек инке на патянас, важ када во пушля лэндар: «Тумэндэ исин варисо тэ хан?» 42 Вонэ динэ лэсти котор прыжымэ мащё, 43 и во халя лэс англа лэндэ.

44 Потом во ԥэндя: «Кала мэ инке сымас тумэнца, мэ ԥэнавас, кай вся трэбуй тэ ашэл кадя, сар пала мандэ пистромэ андэ лэ Маисеёско законо, андэ книжки, савэ пистросардэ лэ Дэвлэстирэ особи мануша, и андэ книжка лэ Дилянца». 45 И тоди во дя лэнди тэ полэн*, со пистромэ андэ Свынти Лила, 46 и ԥэндя лэнди: «Пистромэ: о Христос пэрэандярэла ԥаримос и бида и по трито дес жундёла, 47 и лэстирэ алавэстар всаворэ́ народонэнди, жы анда Иерусалимо, авэла росԥэнди и лащи новость: лэ манушэнди трэбуй тэ каинпэ, кай лэндирэ бэзэха тэ авэн простисардэ. 48 И тумэ диқэна и потвердина када*. 49 Мэ дава тумэнди кода, пала со дя алав мэрно Дад. Ай тумэ ашэнпэ андо форо, пока тумэнди на авэла дино зор упрал».

50 Во виандярдя лэн анда форо, дожыля лэнца жы каринг и Вифа́ния и котэ вазгля и вас и блаӷословисардя лэн. 51 Кала во лэн блаӷословияс, во ля тэ ашэл май дур лэндар и о Дэл заля лэс по небо. 52 Тоди вонэ тэлелэ лэсти, рисайлэ андо Иерусалимо и сас лошалэ. 53 Котэ вонэ вся и время сас андэ қандири и андярэнас лашо алав по Дэл.