Ефесо

4 Важ када мэ, барунари через о Баро Хулай, мангав тумэн тэ андярэн пэс кадя, кай тэ ладийпэ када ла жызняса, каринг сави о Дэл ақардя тумэн. 2 Никала на авэн абуримастирэ, мэк тумаро ди вся и время авэл ковло, ай кадяжэ вся и время тэрпин и сар исин прилэн аврэнго характеро, кай тэ любин ек еқэс. 3 Тумэ сас стидэ́ андэ ек ери через о свынто зор. Терэн вся, кай тэ ашэнпэ сар ек ери, ай важ када трэбуй тэ ладин ек еқэса. 4 Исин ек ӷурто* и ек свынто зор, точно кадя жэ сар амэндэ исин ек надия пэ жызня, сави о Дэл дя тэ аштярас, 5 исин ек Баро Хулай, ек патяимос, и амэ болделям еқэндар, 6 ай кадяжэ исин ек Дэл и ек всаворэнго Дад, саво правий пэ всаворэ и терэл и дила через всаворэ и андэ всаворэ.

7 О Дэл здиқля пэ кажно андар мэндэ па пэско баро ковло ди, и амэнди випэля кадэя бах кадя, сар роспределисардя о Христос. 8 Важ кода кай сас ԥэндо: «Кала во вазгляпэ вучес, во одмэкля кодэлэн, ко сас андо баруно, и дя лэ манушэн сар блаӷословения». 9 Ай сар тэ полас «вазгляпэ»? Хэба када на сыкавэл, кай спэрва во змэкляпэ тэлэ, пэ ԥув? 10 Кодэва, ко змэкляпэ пэ ԥув, во жэ и вазгляпэ май вучес, чем о небо, кай вся тэ ашэл кадя, сар сас ԥэндо.

11 И во дя дэсавэн сар апосталонэн, дэсавэн сар лэ Дэвлэстирэ особонэ манушэн, дэсавэн сар ходаконэн, савэ росԥэнэн и лащи новость, дэсавэн сар учителёнэн и ԥралэн, савэ диқэн пала лэ Дэвлэско народо, 12 кай вонэ тэ дэн годи лэ свынтонэнди, тэ поможын аврэнди и тэ састярэн лэ Христостири тила. 13 И кадя авэла, пока амэ на ласа тэ патяс андэ ек и тэ ӷанас ек пала лэ Дэвлэско Шаво. Тоди амэ сможэм тэ ашас барэ и па чачимастэ* тэ ашас взросли, сар и о Христос. 14 Важ када парашаса тэ авас сар бэяцэ и тэ терас кадя, сар сытярэн и мануша, савэ опхохавэн аврэн и хытрияса лэн обдилярэн. Тоди амэ на аваса, сар лодка, савя и волны и балвал шувидэл андэ разни рига. 15 Но ласа тэ ԥэнас о чачимос и, важ кода кай любисарас, ласа тэ старысавас тэ ашас взросли андэ вся, кала лас примеро амарэ хуластар, лэ Христостар. 16 Амэ шаспэ пэ лэ манушэстири тила, и через о Христос вся кадэя тила драго стиди и правильно терэл. Кала кажно ла тилатири часть терэл пэстири дила, тоди кадэя тила драго барёл и ашэл май састи, кала амэ любисарас ек еқэс.

17 Важ када мангав тумэн лэ Барэ Хуластирэ алавэстар: будэр на́ терэн сар мануша, савэ на патян андо Дэл и савэндэ и гиндоря шушэ и евутнэ. 18 Лэндири годи андэ тэмнота, и вонэ отделимэ ла жызнятар, сави камэл тэ дэл о Дэл, важ кода кай вонэ на камэн лэс тэ ӷанэн и лэнго ди ашэля баруно. 19 Лэн ни ӷрама на хал лэнго ди, кочай вонэ бесовестно пэс андярэн и аж чорымаса терэн мэлали дила.

20 Но тумэ уӷанглэ, кай о Христос най кацаво, 21 если кати тумэ ашундэ лэс и уӷанглэ лэстар о чачимос, важ кода кай о Исусо сытярэл лэ чачимасти. 22 Тумэн сытярэнас, кай тумэ трэбуй тэ злэн пар пэстэ о пурано характеро. Во ашэля кацаво через кода, сави жызня тумэ варикала андярэнас, и ашэл май вэрыто, важ кода кай о хохавно ди обдилярэл амэн и змарэл па правильно дром. 23 На́ парашэн тэ парувэн пэско гиндо 24 и лэн пэр пэстэ о нэво характеро. Во стердо кадя, сар уӷодно лэ Дэвлэсти, и тоди тумэ па чачимастэ лэна тэ терэн кода, со правильно, и отдэна пэско ди лэ Дэвлэсти.

25 Важ када акана, кала тумэ парашэлэ тэ хохавэн, ԥэнэн ек еқэсти о чачимос, важ кода кай амэ всаворэ стидэ́ ек еқэса. 26 Андэ холятэ на́ терэн бэзэх. Улэн тумари холи май данглал, чем бэшэла о қам. 27 На́ домэкэн лэ Бэнгэсти тэ заӷулел тумэнди андо ди. 28 Ко чорэлас, мэк будэр на́ чорэл, ай мэк пристол вся о зор и найдиляримаса затерэл пэ жызня пэстирэ вастэнца, кай лэстэ тэ авэл соса тэ поделийпэ лэ чорорэнца. 29 Мэк на́ авэл андэ тумари дума ни ек термало алав. Ԥэнэн ек о лашымос, кода, со придэла зор аврэнди, — кала када трэбуй, — кай тумаря думатар тэ авэл драго кодэлэнди, ко тумэн ашунэл. 30 И на́ холярэн лэ Дэвлэско свынто зор, саво исин тумэндэ сар печать пэ кодэва дес, кала тумэ авэна одмэклэ через и цэмин, сави сас потинди.

31 Мэкэн вся када: тэ ԥэнэн вэрыти алава пэ авэр, тэ вижан андар пэстэ, тэ холявэн, тэ цыпин, тэ дэн дума найпативалэс пала авэр и тэ терэн авэр найлащи дила. 32 Драго обжанпэ ек еқэса и всаворэ́ одеса жалуин аврэн, анда вся ди простин ек еқэс, сар и о Дэл анда вся ди простисардя тумэн через о Христос.