Иоано
18 Кала о Исусо када ԥэндя, во жыля пэстирэ учениконэнца андо садо, саво сас пала ла лэнако овраӷо Кедро́но*. 2 Лэско здимари о Иу́да тожэ ӷанэнас кадэва ҭан, важ кода кай о Исусо часто стидэласпэ котэ пэстирэ учениконэнца. 3 О Иу́да андя интя лэ римсконэ халавдэн, ай кадяжэ лэ охраниконэн, савэн бишалдэ и барэ рашая и фарисеёря. Вонэ линэ пэса лампы, барэ шуря и рувля. 4 О Исусо ӷанэнас вся, со лэса авэла, кочай во вижыля май англэ и пушля лэндар: «Кас тумэ родэн?» 5 Вонэ ԥэндэ: «Лэ Исусос анда Назаре́то». Во ԥэндя лэнди: «Када мэ». Лэнца тердёлас и о здимари о Иу́да.
6 Кала о Исусо ԥэндя лэнди: «Када мэ», вонэ динэ палпалэ и пэлинэ пэ ԥув. 7 Во инке еқвар пушля лэндар: «Кас тумэ родэн?». Вонэ ԥэндэ: «Лэ Исусос анда Назаре́то». 8 О Исусо ԥэндя: «Мэ жэ ԥэндэм тумэнди, кай када мэ. Если тумэнди трэбуй мэ, одмэкэн аврэн». 9 Во ԥэндя када, кай тэ ашэл кадя, сар во ԥэндя май данглал: «Анда кодэла, кас ту манди дян, мэ ни еқэс на хасардэм».
10 Тоди о Си́мано Пётро хутилдя пэстири шури, дядап лэ ӷлавнонэ рашастирэ рабос и отшындя лэсти о право кан. (Лэ рабос ақарэнас Ма́лхо.) 11 Но о Исусо ԥэндя лэ Петрости: «Стов и шури андо чохло. Хэба мэ на трэбуй тэ пав анда стакано, саво дя манди о Дад?»
12 Тоди и римски халавдэ, лэнго барэдэр и иудейски охраникоря хутилдэ лэ Исусос и сԥанглэ лэс. 13 Спэрва вонэ андэ́ лэс кай о А́на, кай лэ Каяфаско састро. О Кая́фа андэ кодэва бэрш сас ӷлавно рашай. 14 Када сас кодэва Кая́фа, саво ԥэндя лэ иудеёнэнди, кай важ лэндэ авэла фэдэр, если ек мануш мэрэла важ о народо.
15 Пала Исусо жалас о Си́мано Пётро и инке ек ученико. Кадэва ученико ӷанэнас лэ ӷлавнонэ рашас и вместе лэ Исусоса зажыля андэ лэ ӷлавнонэ рашастири града, 16 ай о Пётро ашэляпэ аврял, паша вороты. Потом о ученико, саво ӷанэнас лэ ӷлавнонэ рашас, вижыля, подя дума ла служанкаса, сави тердёлас паша вороты, и проандярдя лэ Петрос андэ града. 17 И служанка пушля лэ Петростар: «Ай ту най кадэлэ манушэско ученико?» Во ԥэндя: «Най». 18 Сас шудро, кочай и раборя и охраникоря стодэ яг и татёнас паша латэ. О Пётро тожэ тердёлас лэнца и татёлас.
19 О баро рашай роспушэлас лэ Исусостар пала лэстирэ ученикоря и пала кода, сости во сытярэл. 20 О Исусо ԥэндя лэсти: «Мэ росԥэнавас англа всаворэ, вся и время сытяравас андэ синагоги и андэ қандири, кай стидэнпэ всаворэ иудеёря, и нисо на ԥэнавас чоралэс. 21 Васо жэ ту пушэс мандар? Пуш кодэлэндар, ко ашундя мэрни дума. Вонэ ӷанэн, пала со мэ давас дума». 22 Тоди ек охранико, саво тердёлас котэ, дядап палма лэ Исусос и ԥэндя: «Сар ту дэс дума лэ ӷлавнонэ рашаса?» 23 О Исусо ԥэндя лэсти: «Если мэ ԥэндэм варисо неправильно, ԥэн, со мэ дэм дума най кадя, ай если ԥэндэм правильно, тоди васо ту ман марэс?» 24 Посли када о А́на бишалдя лэ Исусос, саво сас сԥангло, каринг о ӷлавно рашай о Кая́фа.
25 Кала о Си́мано Пётро тердёлас паша яг и татёлас, лэстар пушлэ: «Ай ту най лэско ученико?» Во ԥэндя: «Най». 26 Ек лэ ӷлавнонэ рашаско рабо, саво родияспэ кодэлэсти, касти о Пётро отшындя о кан, ԥэндя: «Хэба най тут мэ диқлэм лэса андо садо?» 27 Но о Пётро упалэ ля тэ отԥэндёл. И андэ кодэва маменто зацыписайля о башно.
28 Лэ Каяфастар лэ Исусос андярдэ андэ лэ правителёско дворецо. Сас тэсара, чуть свет. Но кодэла, ко лэс андя, на зажылэ андо дворецо, кай тэ на ашэн маӷримэ, важ кода кай тоди вонэ на бэшлоп пала мисяйля пэ Патради. 29 Кочай о Пила́то екжэно вижыля каринг лэндэ и пушля: «Андэр со тумэ дошалярэн кадэлэ манушэс?» 30 Вонэ ԥэндэ: «Тэ на авелоп во дошало, амэ на андоп лэс каринг тутэ». 31 Но о Пила́то ԥэндя лэсти: «Залэн лэс и стидэн пэр лэстэ сындо па тумаро законо». И иудеёря ԥэндэ лэсти: «Па амаро законо амэ не можэм никас тэ умарас». 32 Вся ашэля кадя, сар ԥэндя о Исусо, кала дя тэ полэн, сар во мэрэла.
33 О Пила́то рисайля андо дворецо, ақардя лэ Исусос и пушля лэстар: «Ту иудейско царё?» 34 О Исусо ԥэндя лэсти: «Ту пушэс важ кода, кай чаче камэс када тэ ӷанэс, или важ кода, кай ашундян пала мандэ аврэндар?» 35 О Пила́то ԥэндя лэнди: «Мэ со, евреё? Када тиро народо и барэ рашая андэ́ тут каринг мандэ. Со кацаво ту стердян?» 36 О Исусо ԥэндя: «Мэрно Царство най кацаво, сар кадэла люматирэ царстворя*. Тэ авелоп мандэ кацаво Царство, мэрнэ мануша борисайлоп, кай ман тэ на видэн лэ иудеёнэнди. Но най, мэрно Царство най кацаво, сар кадэла люматирэ царстворя». 37 О Пила́то пушля лэстар: «Но вижал ту царё?» О Исусо ԥэндя лэсти: «Ту екжэно ԥэнэс, кай мэ царё. Мэ арақаделэм и авелэм андэ люма, кай тэ потвердисарав о алав пала чачимос. Кажно, ко прилэл о чачимос, приашундёл каринг мэрнэ алава». 38 О Пила́то ԥэндя лэсти: «Со када чачимос?»
Посли кадэла алава во упалэ вижыля каринг и иудеёря и ԥэндя лэнди: «Мэ на гиндосарав, кай во андэ варисостэ дошало. 39 Тай инке тумэндэ кадя терэлпэ, кай пэ Патради мэ тэ одмэкав еқэ манушэс. Камэн, одмэкава важ тумэндэ лэ иудейсконэ царёс?» 40 Вонэ зацыписайлэ: «Одмэк най лэс, ай лэ Варавас!» Ай о Вара́ва сас чордэӷари.