Евреёря

1 Андэ дэлмутни время о Дэл дэлас дума амарэ ԥурэнца через и лэ Дэвлэстирэ особи мануша, во терэлас када най еқвар и по разному. 2 Ай андэ послидни деса кадэла времяти во дэлас дума амэнца через о Шаво, савэсти трэбуй вся лэстар тэ дорэсэлпэ и через саво во стердя вся по небо и пэ ԥув. 3 Лэстар марэл лэ Дэвлэстири бах и лэстэ точно кацаво жэ характеро, сар кай о Дэл. Када во подритярэл вся пэстирэ зоралэ алавэса. Кала во стердя, кай амэ тэ ашас вужэ лэ бэзэхэстар, во бэшля по небо справа лэ ашунглэ Дэвлэстар. 4 И во ашэля май баро, чем и анӷелоря, кала лэсти сас дино о алав, саво май ашунгло лэндирэ алавэндар.

5 Касти анда анӷелоря о Дэл варикала ԥэндясас: «Ту — мэрно шаво, адес мэ ашэлэм тирэ дадэса»? И инке: «Мэ авава лэсти дад, ай во авэла манди шаво»? 6 Ай пала кодэя время, кала во упалэ анэна пэстирэ Барэдэрэ шавэс пэ ԥув, во ԥэнэн: «Мэк тэлён лэсти всаворэ лэ Дэвлэстирэ анӷелоря».

7 Кадяжэ пала анӷелоря во ԥэнэн: «Во терэл кадя, кай лэстирэ анӷелоря тэ ашэн фартэ зоралэ и кай лэстирэ помошникоря тэ авэн сар ԥабарди яг». 8 Ай пала Шаво во ԥэнэн: «Лэ Дэвлэстар тутэ исин право тэ хулаис* о вико вечно, и тиро Царство лэла тэ правий справедливо*. 9 Тути чалёл тэ терэс вся правильно и ту вэрыцыс о найлашымос*. Важ када о Дэл, тиро Дэл, мақля тути о шэро вулееса, савэстар жал и лош, май фартэ, чем аврэ царёнэнди». 10 Кадяжэ сас ԥэндо: «Спэрва ту, Баро Хулай, стодян и ԥув и стердян о небо пэстирэ вастэнца. 11 Лэн будэр на авэла, ай ту ашэсапэ. Вонэ сԥирадёна, сар ӥда, 12 и ту стидэса лэн, сар гад*, парувэса, сар ӥда. Но ту кодэва жэ, и тирэ бэрша никала на прожана».

13 Пала кастэ анда анӷелоря во варикала ԥэндясас: «Бэш справа мандар, пока мэ на става тирэ вороӷонэн тути тала пэрнэ»? 14 Хэба най всаворэ анӷелоря терэн лэ Дэвлэстири дила, савэн во бишалэл тэ поможый кодэлэнди, ко трэбуй тэ спасыйпэ?