Римо
9 Мэ андярав лэ Христостири время и кочай ԥэнав чачимос и на хохавав. Мэрни совесть через о свынто зор потвердия, 2 кай манди фартэ найдраго по ди и кай кадэя дук на прожал. 3 Мэ камлоп, кай када ман тэ дэн амрая и тэ одмарэн лэ Христостар, ай най мэрнэ ԥралэн, мэрнэ чачен, 4 лэ израильтянонэн. О Дэл прижангля лэн пэстирэ шавэнца, стодя пэр лэндэ бари патив* и стердя лэнца доӷовороря. Во пэрэдя лэнди о законо, дя лэнди алав и дя бари бах тэ андярэн лэстири время. 5 Вонэ жылэ амарэ ԥурэндар, и лэндар жыля о Христос. Мэк о Дэл, саво хулай пэ вся, ашундёл о вико вечно. Аминь.
6 Но амэ не можэм тэ ԥэнас, кай на ашэля кадя, сар о Дэл дя алав. Важ кода кай най всаворэ лэ Израилёстирэ бэяцэ па чачимастэ израильтяноря. 7 И если вонэ анда лэ Авраамоско колено, када на сыкавэл, кай всаворэ вонэ па чачимастэ лэстирэ бэяцэ, важ кода кай о Дэл ԥэндя лэ Авраамости: «И бэяцэ, пала савэ мэ дэм алав, жана лэ Исакостар». 8 Вижал, най всаворэ лэ Авраамостирэ бэяцэ — па чачимастэ лэ Дэвлэстирэ бэяцэ. Но лэ Авраамостирэ чачунэ бэяцэ — када кодэла, пала кастэ о Дэл дя алав. 9 Ай о Дэл дя кацаво алав: «Мэ авава пэ авэр бэрш андэ кадэя жэ время, и кай и Са́рра авэла шаво». 10 Но о Дэл най кати тоди дя кадэва алав, но и кала и Реве́ка заԥирдя амарэ ԥурэстар лэ Исакостар и ля тэ аштярэл лэ шавэн. 11 Вонэ инке на арақаделэ и на стердэ ни лашо, ни вэрыто, ай о Дэл ужэ сыкадя, кас андар лэндэ во витидэла, важ кода кай во витидэл най па лэ манушэстири дила, ай кас камэл. 12 Кочай во ԥэндя лати: «О барэдэр авэла лэ цыкнэдэрэско рабо». 13 Андэ Свынти Лила кадя и ԥэндо: «Манди чалеля о Иа́ково, ай лэ Исавостар мэ отԥэнделэм*».
14 И со, о Дэл несправедливо? Най! 15 Важ кода кай во ԥэнэн лэ Маисеёсти: «Мэ авава одяло каринг кодэва, кас витидава, и жалуисарава кодэлэс, кас камав». 16 Вижал, о Дэл витидэл най кодэлэ манушэс, ко камэл када или ко стол зор*, ай кодэлэс, каринг кастэ во одяло. 17 Андэ Свынти Лила о Дэл ԥэнэн пала фараоно: «Мэ на умардэм тут, кай тэ сыкавав пэр тутэ мэрно зор и кай мэрно алав тэ ашундёл па вся и ԥув». 18 Ни акэ, во одяло каринг кодэва, кас витидэл, ай кодэлэсти, ко камэл тэ тердёл пэ пэско, во домэкэл када.
19 Ту пушэса мандар: «Если нико не можэт тэ жал против лэско алав, васо во тоди амэн дошалярэл?» 20 Но ко ту кацаво, мануш, кай спориспэ лэ Дэвлэса? Ԥэнэна и посуда анда ӷлина лэ мастерости: «Васо ту ман кадя стердян?» 21 Хэба о мастеро най екжэно витидэл, кай анда ек котор ӷлина тэ вилепий посуда важ и особо время* и посуда важ и цэрутни дила*? 22 Кадя и о Дэл. Хоть во и закамля тэ сыкавэл пэстири холи и о зор, во на парашэл тэ тэрпий кодэлэн, ко холярэлас лэс и затерэлас, кай во лэн тэ умарэл. 23 Во терэлас када, кай тэ дицол, сави дэ бари бах лэстар марэл, кодэлэнди, каринг кастэ во одяло и касти дя алав, кай блаӷословия лэн. 24 Во витидя амэн най кати анда евреёря, но и анда авэр народоря. 25 Пала када во ԥэндя через о О́сия: «Мэ ԥэнава „мэрно народо“ пэ кодэла, ко най мэрно народо, и ԥэнава „любимо“ пэ кодэя, кас на любисарав. 26 И котэ, кай лэнди сас ԥэндо: „Тумэ най мэрно народо“, пэр лэндэ ԥэнэна „лэ жундэ Дэвлэстирэ шавэ“».
27 Акэ со ԥэнэн о Иса́я пала Израилё: «Дажэ если лэ израильтянонэн авэла кадя бут, сар чишай, спасынапэ кати дэсавэ. 28 Важ кода кай о Иегова* спушэла кодэлэндар, ко жувэл пэ ԥув, и во на лэла тэ цырдэл и время». 29 О Иса́я кадяжэ ԥэндя, со авэла: «Тэ на спасысардоп о Иегова, лэ Халавдэнго Дэл, амарэ бэятонэн, амэ ашэлоп сар о Садо́мо и шутопэ пэ Гамо́ра».
30 Со тоди можно тэ полас? И мануша анда авэр народоря на старыинаспэ тэ уӷодин лэ Дэвлэсти, но всаек ашэлэ уӷодни лэсти, важ кода кай патяе. 31 Ай и израильтяноря старыинаспэ тэ уӷодин лэ Дэвлэсти и тэ ритярэн лэско законо, но лэндэ на вижыля тэ жувэн пар лэстэ. 32 Васо? Важ кода кай вонэ старыинаспэ тэ уӷодин лэ Дэвлэсти ла диласа, ай най кодэлэса, кай патян. Вонэ динэпэдап андо «бар». 33 Пала када сас пистромэ: «Мэ става по Сио́но бар, андэ саво вонэ дэнапэдап, и састо плай, саво тердёла пэ лэнго дром, но кодэлэсти, ко патял андэр лэстэ, на ашэла лажаво».