Свынто тайна

12 Посли када мэ додиқлэм по небо, сар сыкаделя варисо фартэ удивительно. Мэ додиқлэм ла жувля, сави сас утиди андо қам, тала пэрнэ латэ сас о шон, ай по шэро и корона анда 12 черӷая. 2 Вой аштярэлас тэ анэн бэятос и фартэ мучияспэ и цыпияс, важ кода кай поджыля латири время.

3 Кадяжэ мэ додиқлэм, сар сыкаделя авэр варисо удивительно. Мэ додиқлэм барэ драконос, во сас лоло сар яг. Лэстэ сас семь шэрэ и дэш роӷоря, и пэ лэстирэ шэрэ сас семь короны. 4 Пэстиря пуряса во сцырдя па небо бут* черӷая и сшутя лэн пэ ԥув. О драконо тердёлас англа жувли и аштярэлас, кала вой анэна лэ бэятос, кай тэ нақавэл лэс.

5 Вой андя лэ шавэс, саво лэла тэ правий* пэ всаворэ народоря саструня рувляса. И сразу жэ лэ бэятос залинэ каринг о Дэл и каринг лэско троно. 6 Ай и жувли унашля андэ пустыня, кай о Дэл отделисардя важ латэ о ҭан. Котэ ла трэбуй сас тэ праварэн 1 260 деса.

7 По небо заляпэ война. О Михаи́ло и лэстирэ анӷелоря марэнаспэ лэ драконоса, ай о драконо и лэстирэ анӷелоря марэнаспэ лэнца, 8 но не смоӷли тэ победин, и важ лэндэ будэр на сас ҭан по небо. 9 О ашунгло драконо — о пэрво сап, — пэ саво ԥэнэн Бэнг и Сатана и саво обдилярэл вся и люма, сас сшуто пэ ԥув вместе лэстирэ анӷелонэнца. 10 И мэ ашундэм, сар по небо сас ӷромко ԥэндо:

«Авеля и время, кай амаро Дэл тэ спасый, тэ сыкавэл пэско зор и тэ стол о Царство и кай тэ правий лэско Христос! Сас сшуто пэ ԥув кодэва, ко дошалярэл амарэ ԥралэн и ко андярэл хохавни дума пэр лэндэ англа амаро Дэл о дес и рят! 11 Вонэ победисардэ лэс лэ Бакрорэстирэ ратэса и лэ алавэса, саво росԥэнэнас, и на дарайлэ тэ хасарэн пэстири жызня. 12 Лошавэн, небо и кодэла, ко жувэл котэ! Бида тумэнди, ԥув и моря, важ кода кай каринг тумэндэ змэкляпэ о Бэнг андэ бари холи! Во ӷанэн, кай лэстэ ашэляпэ набут время».

13 Кала о драконо поля, кай сас сшуто пэ ԥув, во ля тэ ӷонийпэ пала жувли, сави андя лэ шавэс. 14 Но ла жувляти динэ дуй барэ орлини ԥақа, кай вой тэ завурял андэ пустыня — андэ кодэва ҭан, саво сас отделимэ важ латэ. Котэ, дур лэ сапэстар, ла трэбуй сас тэ праварэн, пока жал ек бэрш, дуй бэрш и епаш бэрш*.

15 Пала жувли о сап вимэкля анда муй паи, ԥэнэса бари лэн, кай вой тэ тасол андэр латэ. 16 Но ла жувляти помощь дя и ԥув: вой ԥэрнадя о муй и нақадя и лэн, сави вимэкля о драконо. 17 Тоди о драконо росхоляйля пэ жувли и жыля войнаса пэ авэр* анда латирэ бэяцэ, савэ ритярэн лэ Дэвлэско законо и савэнди ԥэндо тэ росԥэнэн пала Исусо.