Лука

6 Еқвар в суботу о Исусо жалас через лэ марнэстирэ маля. Лэстирэ ученикоря сшынэнас и пшэница, ростринас ла лэ вастэнца и ханас о зэрно. 2 Дэсавэ фарисеёря додиқлэ када и пушлэ: «Васо тумэ терэн кода, со нащи тэ терэн в суботу?» 3 Но о Исусо ԥэндя лэнди: «Хэба тумэ на адиносардэ, со стердя о Давидо, кала во и лэстирэ мануша пробоқайлэ? 4 Во зажыля андэ лэ Дэвлэско цэр, и лэсти динэ о свынто марно*. Во екжэно халя лэс и дя пэстирэ манушэнди, хоть кадэва марно моӷли тэ хан ек и рашая». 5 Посли када во инке ԥэндя: «Лэ манушэско Шаво — Хулай пэ субота».

6 Пэ авэр субота во авеля андэ синагога и ля тэ сытярэл. Котэ сас ек мануш, савэстэ о право вас сас шуко*. 7 И законикоря и фарисеёря внимательно слединас пала Исусо, исцэлия во в суботу чи най, важ кода кай родэнас, важ со лэс тэ дошалярэн. 8 О Исусо ӷанэнас, пала со вонэ гиндонас, кочай во ԥэндя лэ манушэсти, савэстэ о вас сас шуко: «Вижа, тердюв по машкар». Во кадя и стердя. 9 Тоди о Исусо ԥэндя лэнди: «Мэ пушав тумэндар: со можно* тэ терэн в суботу — лашымос или найлашымос? Тэ спасын или тэ умарэн?» 10 Во подиқля пэ всаворэ и ԥэндя кодэлэ манушэсти: «Процырдэ о вас». Во процырдя, и лэско вас ашэля зорало. 11 Но вонэ заԥабелэ холятар и линэ тэ дэн дума машкар пэстэ, со лэнди тэ терэн лэ Исусоса.

12 Еқвар во жыля по плай тэ мангэлпэ и вся и рят мангэласпэ лэ Дэвлэсти. 13 Ай кала вижыля о қам, во ақардя лэ учениконэн, витидя андар лэндэ 12 и ԥэндя пэр лэндэ апосталоря*. 14 Када сас: о Си́мано, савэсти о Исусо кадяжэ приԥэндя Пётро, лэско ԥрал о Андрий, о Иа́ково, о Иоа́но, о Фили́по, о Варфаламе́ё, 15 о Матфе́ё, о Фама́, о Я́ково, лэ Алфеёско шаво, о Си́мано, савэсти приԥэндэ «хваткако», 16 о Иу́да, лэ Яковоско шаво, и о Иуда Искарио́то, саво ӷэт май интя ашэля здимари.

17 Кала о Исусо змэкляпэ лэнца па плай, во терделя по ровно ҭан. Котэ стидэ́пэ фартэ бут лэстирэ ученикоря и авэр мануша па вся Иуде́я, анда Иерусалимо и анда фороря и анда области паша Ти́ро и Сидо́но. Вонэ авелэ тэ ашунэн лэс и тэ исцэлинпэ лэ насвалимастар. 18 Во исцэлияс дажэ кодэлэн, кас мучинас и найвужэ. 19 Кала и мануша лэнаспэ каринг лэстэ, лэстар вижалас о зор и всаворэн исцэлияс. Важ када кажно старыияспэ тэ лэлпэ каринг лэстэ.

20 О Исусо диқля пэ пэстирэ ученикоря и ԥэндя:

— Бахталэ тумэ, чорорэ, важ кода кай лэ Дэвлэско Царство — тумаро.

21 Бахталэ тумэ, кодэла, ко акана боқало, важ кода кай тумэ авэна чалэ.

Бахталэ тумэ, кодэла, ко акана ровэл, важ кода кай тумэ лэна тэ асан.

22 Бахталэ тумэ, кала через лэ манушэско Шаво и мануша тумэн вэрыцын, видаравэн, найпативалэс дэн дума пала тумэндэ* и андярэн хохавно алав пэр тумэндэ. 23 Кала кацаво авэла, радуинпэ и лошавэн*, важ кода кай тумэн аштярэл бари блаӷословения* по небо. На́ бистрэн, кай лэндирэ ԥурэ точно кадя жэ обжанаспэ лэ Дэвлэстирэ особонэ манушэнца.

24 Но бида тумэнди, барвалэ, важ кода кай тумэнди ужэ дорэсляпэ вся тумаро лашымос*.

25 Бида тумэнди, кодэлэнди, ко щас чало, важ кода кай тумэ авэна боқалэ.

Бида тумэнди, кодэлэнди, ко щас асал, важ кода кай тумэ лэна тэ помардён бидатар и тэ ровэн.

26 Бида тумэнди, кала всаворэ мануша драго дэн дума пала тумэндэ, важ кода кай точно кадя жэ лэндирэ ԥурэ обжанаспэ лэ хохавнэ манушэнца, савэ притерэнаспэ лэ Дэвлэстирэ.

27 Но мэ ԥэнав тумэнди, кодэлэнди, ко ашунэл: любин пэстирэ вороӷонэн, терэн лашымос кодэлэнди, ко тумэн вэрыцый, 28 найпативалэс дэн дума пала кодэла*, ко тумэн дэл амрая, и мангэнпэ пала кодэла, ко абисо дэл дума пала тумэндэ. 29 Кодэлэсти, ко тут дэладап палма па ек фалка, потстов и авэр. И кодэлэсти, ко одлэла тутар и жылетка, отдэ и о гад. 30 Кажнонэсти, ко тутар варисо мангэла, дэ лэсти када. И кодэлэстар, ко лэла тутар варисо, на́ манг када палпалэ.

31 Обжанпэ лэ манушэнца кадя, сар камлоп, кай вонэ тэ обжанпэ тумэнца.

32 Если тумэ драго обжанпэ кати кодэлэнца, ко драго обжалпэ тумэнца*, затердэ тумэ, кай пала тумэндэ драго тэ дэн дума? Важ кода кай лэ бэзэхэстирэ мануша* любин кодэлэн, ко любий лэн. 33 И если тумэ терэн лащи дила кати кодэлэнди, ко терэл лащи дила тумэнди, тоди со андэ када кацаво? Важ кода кай дажэ лэ бэзэхэстирэ мануша кадя терэн. 34 Кадяжэ если тумэ дэн пэ вужылимастэ* кати кодэлэнди, кастар аштярэн тэ лэн палпалэ, тоди со андэ када кацаво? И бэзэхэстирэ мануша дэн пэ вужылимастэ лэ бэзэхэстирэ манушэнди и аштярэн тэ лэн палпалэ вся о вужылимос. 35 Но тумэ трэбуй тэ любин пэстирэ вороӷонэн, тэ терэн лашымос и тэ дэн пэ вужылимастэ и тэ на аштярэн, кай тумэнди отдэна о вужылимос. Тоди тумэнди дорэсэлапэ бари блаӷословения*, и тумэ авэна лэ Барэ Дэвлэстирэ шавэ, важ кода кай во драго обжалпэ дажэ кодэлэнца, ко найблаӷодарно и вэрыто. 36 Авэн одялэ, сар одяло тумаро Дад.

37 Ай инке, парашэн тэ сындон, и тумэн нико на сындоя. Парашэн тэ дошалярэн, и тумэн нико на дошалярэла. Простин, и простина тумэн*. 38 Дэн, и тумэнди дэна. Тумэнди отшона андэ пусути ԥэрдо мера* — притасади, пэрэтиносарди и жы упрал. Важ кода кай скати тумэ дэн, скати дэна и тумэнди*.

39 Тоди во призындярдя лэнди примероря: «Можэт о коро тэ андярэл лэ корэс? Хэба вонэ лэдуй на пэрэна андэ яма? 40 О ученико най май баро лэ учителёстар, но кодэва, кас драго* сытярдэ, ашэла сар лэско учителё. 41 Васо ту диқэс пэ сулуморы андэ лэ ԥралэстири як, ай по каш андэ пэстири як на шос сама? 42 Сар ту можэш тэ ԥэнэс лэ ԥралэсти: „Ԥрал, дэ мэ вилава и сулуморы анда тири як“, кала тутэ екжэнэстэ андэ як о каш? Двухлично мануш! Спэрва вилэ о каш анда пэстири як, и тоди диқэса, сар тэ вилэс и сулуморы анда лэ ԥралэстири як.

43 Пэ лащи витка на барёл нисо терно, ай пэ терни витка на барёл нисо лашо. 44 Кажно витка ӷатярэн па кода, со пэр латэ барёл. Например, па калючки на стидэн о инжыро или о виноӷрадо. 45 Лашо мануш фэрий андо ди о лашымос, и лэстар жал о лашымос, ай вэрыто мануш фэрий андо ди о найлашымос, и лэстар жал о найлашымос. Важ кода кай со лэ манушэстэ андо ди, пала кода во и дэл дума.

46 Васо тумэ взвинпэ мандэ „Баро Хулай! Баро Хулай!“ — но на терэн кода, со мэ ԥэнав? 47 Мэ ԥэнава тумэнди, пэр кастэ шолпэ кодэва, ко авэл каринг мандэ, ашунэл мэрнэ алава и терэл кадя, сар мэ ԥэнав. 48 Во шолпэ по мануш, саво, кала закамля тэ ваздэл о цэр, виӷанадя бари* яма и зашутя о фундаменто по бар. Кала вазгляпэ о паи, пэ кодэва цэр дя и лэн, но во уприсардя, важ кода кай сас драго построимэ. 49 Ай кодэва, ко ашунэл мэрнэ алава и нисо на терэл, шолпэ по мануш, саво строисардя о цэр ворта пэ ԥув и дажэ на зашутя о фундаменто. Кала пэ кодэва цэр дя и лэн, во сразу жэ пэля и лэстар ашэлэпэ ек и бара».