3 Иоано
1 Мэ, ԥуро мануш*, пистросарав лэ Гаёсти, саво куч мэрнэ одести и савэс мэ фартэ любисарав.
2 Мэрно любимо ԥрал, мэ мангавпэ, кай ту тэ авэс зорало и кай тутэ тэ авэл вся драго. 3 Мэ сымас фартэ лошало, кала авелэ и ԥрала и росԥэндэ, кай ту на ашавэс лэ Дэвлэс и на парашэс тэ андярэс лэстири время*. 4 Важ мандэ нинай май бари лош, чем тэ ашунав, кай мэрнэ бэяцэ андярэн лэ Дэвлэстири время.
5 Ту, мэрно любимо друӷо, сыкавэс бари патив каринг о Дэл, кала поможыс лэ ԥралэнди, хоть и на ӷанэс лэн. 6 Вонэ росԥэндэ лэ ӷуртости, сар ту любис лэ ԥралэн. Мангав тут, кала кадэла ԥрала лэна тэ ужантар, сти́дэ лэн андо дром кадя, сар када камлоп о Дэл. 7 Вонэ жылэ андо дром, кай тэ росԥэнэн лэ мирости пала лэ Дэвлэско алав, и нисо на манглэ лэ манушэндар анда авэр народоря*. 8 Важ када амэ трэбуй тэ прилас пэстэ кацавэ ԥралэн — кадя амэ ласа тэ терас лэнца ек дила, кай тэ росԥэнас о чачимос.
9 Мэ дэсо пистросардэм лэ ӷуртости, но о Дятре́фо, савэсти чалёл андэ вся тэ авэл ӷлавно машкар тумэндэ, на стол патив пэ амарэ алава. 10 Важ када, если авава, мэ на промэкава лэсти лэстири найлащи дила, кай во андярэл найлашо алав пар мэндэ. Тай инке во отԥэндёл пативаса тэ прилэл лэ ԥралэн, ай кодэлэнди, ко камлоп лэн тэ прилэл, на дэл када тэ терэн и старыийпэ тэ видаравэл лэн анда ӷурто.
11 Мэрно любимо ԥрал, сытюв най лэ найлашэ манушэндар, ай лэ лашэндар. Кодэва, ко терэл лашымос — лэ Дэвлэстар. Ай кодэва, ко терэл найлашымос, на ӷанэн лэ Дэвлэс. 12 Всаворэ драго дэн дума пала Дими́триё, и кацави дума потвердийпэ кодэлэса, кай во андярэл лэ Дэвлэстири время. Амэ тожэ драго дас дума пала лэстэ, ай ту ӷанэс, кай амэ никала на хохавас.
13 Мэ камлоп тути инке бут со тэ ԥэнав, но на камав тэ пистросарав пала када андо письмо. 14 Мэ надеисавав, кай ӥто мандэ вижала тэ диқав тут и тэ подав дума туса.
Тэ дэл тути о Дэл мирно жызня!
И друӷоря пэрэдэн тути поклоно. Пэрэдэ и ту мандар поклоно кажнонэ друӷости.