Ефесо
2 Хоть тумэ мулинэ через пэстири найлащи дила и через пэско бэзэх, о Дэл жундярдя тумэн. 2 Тумэндэ сас кацави найлащи жызня, кала тумэ жувэнас кадя, сар жувэн и мануша андэ кадэя люма, важ кода кай тумэ кандэнас кадэла люматирэ правителёс. Во хулай по воздухо — када о гиндо*, саво хулаий лэ найкандинэ манушэнца. 3 Всаворэ амэ варикала андярасас пэс сар вонэ, кала цырдасаспэ каринг кода, со камэл лэ бэзэхэско ди и годи. Сар кати арақаделям, амэ, сар и всаворэ авэр, ашасас, кай о Дэл пар мэндэ тэ холявэл. 4 Но о Дэл, важ кода кай фартэ одяло и фартэ любий амэн, 5 жундярдя амэн вместе лэ Христоса, хоть амэ самас мулэ через пэстири найлащи дила. (Тумэ сас спасымэ через кода, кай во здиқля пэр тумэндэ па пэско баро ковло ди.) 6 И во най кати жундярдя амэн, кодэлэн, кастэ ек гиндо лэ Христоса лэ Исусоса, но и стодя амэн тэ бэшас лэса по небо. 7 О Дэл стердя када, кай через дэсави время тэ сыкавэл, пэскати дэ баро лэско ковло ди, и кадэлэса нисо на сыстояпэ. Во сыкавэла када, кала здиқэла пар мэндэ, пэ кодэла, кастэ ек гиндо лэ Христоса лэ Исусоса.
8 Тумэ патяе и сас спасымэ, важ кода кай лэ Дэвлэстэ баро ковло ди. Тумэ када на затердэ, но о Дэл здиқля пэр тумэндэ. 9 Чаче, тумэ сас спасымэ най через и дила, кай нико тэ на путёл. 10 О Дэл создал амэн пэстирэ вастэнца, кай амэ, сар кодэла, ко андярэл лэ Христостири лэ Исусостири время, тэ терас и лащи дила, сави во май данглал витидя.
11 Важ када на́ бистрэн, кай пэр тумэндэ, пэ найевреёря, кодэла, кас опшындэ и мануша, варикала ԥэнэнас найопшындэ. 12 Андэ кодэя время тумэ сас би лэ Христоско, на сас андо израильско народо и тумэнди нисо на пэрэлас кодэлэстар, кай о Дэл па пэстири обещания стердя и доӷовороря. Тумэндэ на сас надия, и тумэ жувэнас андэ кадэя люма би лэ Дэвлэско. 13 Ай акана тумэ андярэн лэ Христостири лэ Исусостири время. Варикала тумэ сас дур лэ Дэвлэстар, но ашэлэ май пашэ каринг лэстэ через лэ Христоско рат. 14 Важ кода кай о Христос дя амэнди мирно жызня. Во стидя дуй ӷурторя и розмардя и стина, сави лэн розделияс. 15 Кала во отдя пэстири тила, во стердя, кай тэ парашэн тэ вороӷуин, и будэр на трэбуй сас тэ ритярэн о законо, саво бут со уԥэнэнас и запретияс. Во стердя када, кай анда дуй ӷурторя, савэ андярэн лэстири время, тэ авэл нэво народо и тэ авэл мирно. 16 Во муля по столбо, кай тэ парашэн тэ вороӷуин, и тоди тэ стидэл дуй ӷурторя андэ ек народо и тэ примирий лэн лэ Дэвлэса. 17 Во авеля и росԥэндя и лащи новость пала мирно жызня тумэнди, хоть тумэ сас дур лэ Дэвлэстар, ай кадяжэ кодэлэнди, ко сас лэсти пашэ. 18 Через лэстэ амэ всаворэ, ко андэ кадэла дуй ӷурторя, можэм тэ мангаспэ лэ Дадэсти, важ кода кай амэндэ лэстар исин кодэва жэ ек свынто зор.
19 Ни акэ, акана тумэ будэр най чужи и най па чужи краёря. Тумэндэ кацаво жэ ӷражданство*, сар кай и свынти, и тумэ ужан андэ лэ Дэвлэско ери. 20 Тумэ строимэ по фундаменто, саво стердо анда апосталоря и анда лэ Дэвлэстирэ особи мануша, ай о ӷлавно вуӷлово бар — када екжэно о Христос Исусо. 21 Вместе лэса кадэва цэр, саво драго стидо анда разни части, ашэл май баро и ашэл свынто қандири важ о Иегова*. 22 Если тумэ андярэн лэ Христостири время, тоди о Дэл и андар тумэндэ строий кадэва цэр. И о Дэл находийпэ андэр лэстэ, важ кода кай котэ исин лэско зор.