Свынто тайна

10 Посли када мэ додиқлэм аврэ зоралэ анӷелос, саво змэкэласпэ па небо. Во сас ушарадо тучаса, и понад лэско шэро сас радуӷа, лэско муй светияспэ, сар қам, ай и пэрнэ сас ԥэнэса яганэ столборя. 2 Андо вас во ритярэлас найбаро лил, саво сас ԥэрнадо. О анӷело стодя право пэрно пэ моря, ай о лево пэ ԥув 3 и зацыписайля кацавэ ӷолососа, ԥэнэса рычий о лево. Во зацыписайля, и мэ ашундэм, сар дэн дума и семь ӷроморя.

4 Кала и семь ӷроморя задинэ дума, мэ тидэмпэ тэ пистросарав, но ашундэм, сар о ӷолосо па небо ԥэндя: «Згарав и на́ запистросар кода, со ԥэндэ и семь ӷроморя». 5 О анӷело, саво тердёлас пэ моря и пэ ԥув, вазгля о право вас каринг о небо 6 и солахадя по Дэл, саво жувэл вечно и саво стердя о небо и вся, со андэр лэстэ, и ԥув и вся, со пэр латэ, ай кадяжэ и моря и вся, со андэр латэ. Во ԥэндя: «О Дэл будэр на лэла тэ аштярэл! 7 Но андэ кодэла деса, кала заӷудия андэ труба о седьмо анӷело, вся ашэла кадя, сар ԥэнэн и свынто тайна — када и лащи новость, сави о Дэл росԥэндя пэстирэ рабонэнди, лэ особонэ манушэнди».

8 О ӷолосо, саво мэ ашундэм па небо, упалэ ԥэндя манди: «Жа, лэ о лил* анда вас кай о анӷело, саво тердёл пэ моря и пэ ԥув». 9 Мэ поджылэм каринг о анӷело и манглэм лэстар тэ дэл манди о лил. Во ԥэндя: «Алэ и поха лэс. Андо муй тутэ во авэла гугло, сар ядин, но андо ело лэстар ашэла кирко». 10 Мэ лэм о лил анда вас кай о анӷело и похалэм лэс. Андо муй во сас гугло, сар ядин, ай андо ело лэстар ашэля кирко. 11 И тоди манди сас ԥэндо: «Ту трэбуй тэ на парашэс тэ пэрэдэс и дэвликунэ алава пала царёря, пала нацыи и пала народоря, савэ дэн дума пэ разни шыба».