Свынто тайна

15 Мэ додиқлэм, сар по небо сыкаделя варисо фартэ баро и удивительно, — семь анӷелоря, савэ анэн семь биды. Кадэла биды послидни, важ кода кай посли лэндэ парашэла лэ Дэвлэстири холи.

2 И мэ додиқлэм варисо кацаво, со шоласпэ пэ стекляно моря, сави зӷамимэ ла ягаса, ай кадяжэ додиқлэм кодэлэн, ко победисардя лэ зверёс, лэстири статуя и лэстирэ алавэско число. Вонэ тердёнас паша стекляно моря, и лэндэ андэ вас сас лэ Дэвлэстирэ арфы. 3 Вонэ дилабэнас лэ Маисеёстири дили, лэ Дэвлэстирэ рабостири, и лэ Бакрорэстири дили:

«Иегова*, Само Зорало Дэл, пэскати дэ ашунгли и дэ удивительно тири дила! Ла времяко Хулай, сар жэ справедливо и правильно вся, со ту терэс! 4 Хэба можэт варико тэ на дарал тутар, Иегова, и тэ на дэл дума драго пала тиро алав? Важ кода кай кати ту отдэс пэско ди важ тиро народо! Всаворэ народоря полэна, кай тиро сындо справедливо, вонэ авэна и тэлёна тути».

5 Посли када мэ додиқлэм, сар по небо ԥэрнаделя о свынто ҭан андэ катуна важ о доӷоворо 6 и андар латэ вижылэ семь анӷелоря, савэ анэн семь биды. Вонэ сас утидэ́ андэ ӥда анда вужо лёно, саво сас кацаво парно, кай аж светияспэ, и сас заԥанглэ па колин буӷля сомнакуня кущикаса. 7 И семь анӷелоря получисардэ и семь сомнакунэ чарэ, савэ сас ԥэрди лэ вечнонэ Дэвлэстиря холяса, лэн дя ек анда штар зоралэ анӷелоря. 8 И қандири ԥэрделя ҭувэса лэ Дэвлэстиря бахтатар и лэстирэ зорэстар, и нико не моӷ тэ зажал андэ қандири, пока на прожылэ семь биды, савэ анэнас и семь анӷелоря.