Дила
21 Кала амэ попрощались лэнца, амэ лаглям по кораблё ворта андо Ко́со, пэ авэр дес авелям андо Ро́дасо, ай потом андэ Пата́ра. 2 Кала амэ виарақлям о кораблё, саво жалас андэ Финики́я, амэ бэшлям пэр лэстэ и лаглям май дур. 3 Амэ потплывисардям каринг о Ки́про и облаглям лэс справа, посли када лаглям андэ Си́рия и авелям андо Ти́ро, кай трэбуй сас тэ розӷрузин о кораблё. 4 Амэ виарақлям лэ учениконэн и ашэлямпэ лэндэ пэ куртестэ. Через о свынто зор вонэ най еқвар ԥэнэнас лэ Павлости, кай во тэ на жал андо Иерусалимо. 5 Кала прожыля и время важ и стоянка, амэ тидямпэ тэ отплывисарас. Всаворэ вонэ, вместе лэ жувлянца и лэ бэятонэнца, проандярдэ амэн жы каринг о кораблё. Котэ амэ терделям пэ чанга, манглямпэ 6 и попрощались ек еқэса. Тоди амэ вазглямпэ по кораблё, ай вонэ рисайлэ цэрэ.
7 Анда Ти́ро амэ авелям андэ Пталемаи́да. Котэ амэ диқлямпэ лэ ԥралэнца и самас лэндэ ек дес, 8 ай пэ авэр дес лаглям андо дром. Кала авелям андэ Кеса́рия, амэ жылям андо цэр кай о Фили́по, саво андярэлас и лащи новость и саво сас ек анда семь мурш, и ратярдям лэстэ. 9 Лэстэ сас штар щея, савэ сас наймиростэ, вонэ пэрэдэнас и дэвликунэ алава. 10 Кала амэ самас котэ ужэ бут деса, анда Иуде́я авеля лэ Дэвлэско особо мануш о Ага́во. 11 Во зажыля амэндэ, ля лэ Павлостири кущик, сԥангля пэсти и вас и пэрнэ и ԥэндя: «Акэ со ԥэнэн о свынто зор: „Кадя и евреёря сԥандэна андо Иерусалимо кодэлэс, кастири кадэя кущик, и отдэна лэс андэ вас лэ манушэнди анда авэр народоря“». 12 Кала амэ и катутнэ ԥрала ашундям када, амэ лям фартэ тэ мангас лэ Павлос тэ на жал андо Иерусалимо. 13 Ай во ԥэндя: «Со тумэ терэн? Состэ ровэн и старыинпэ тэ уритярэн ман*? Мэ ӷотово най кати тэ авав сԥангло, но и тэ мэрав андо Иерусалимо важ лэ Барэ Хуласко лэ Исусоско алав. 14 Кала амэндэ на вижыля тэ парувас лэско гиндо, амэ парашэлям тэ тердювас пэ пэско* и ԥэндям: «Мэк авэл кадя, сар уӷодно лэ Иеговасти*».
15 Посли када амэ тидямпэ андо дром и жылям андо Иерусалимо. 16 Амэнца жылэ дэсавэ ученикоря анда Кеса́рия. Вонэ андярдэ амэн каринг о Мнасо́но анда Ки́про, саво сас ек анда пэрви ученикоря. Лэстэ амэ трэбуй сас тэ ратярас. 17 Кала амэ авелям андо Иерусалимо, и ԥрала анда ди амэн шутэ сама. 18 Пэ авэр дес о Павло жыля амэнца каринг о Иа́ково. Котэ стидэ́пэ всаворэ барэдэр ԥрала. 19 О Павло поздоровкиисайля лэнца и ля подробно тэ росԥэнэн, со о Дэл стердя андэ авэр народоря через лэстири дила.
20 Посли лэ Павлостирэ алава вонэ линэ драго тэ дэн дума пала Дэл, ай потом ԥэндэ лэсти: «Диқэс, ԥрал, скати евреёря патяе! Фартэ бут*! И всаворэ вонэ фартэ законисти. 21 Но вонэ ашундэ дума, кай лэ евреёнэн, савэ жувэн машкар авэр народоря, ту сытярэс тэ на ритярэн лэ Маисеёско законо, кала ԥэнэс лэнди тэ на опшынэн пэстирэ бэятонэн и тэ на жувэн па пэстирэ обычаи. 22 Со жэ тэ терас? Вонэ точно уӷанэна, кай ту авелян. 23 Важ када стер кадя, сар амэ ԥэнаса. Амэндэ исин штар мануша, савэ солахадэ. 24 Жа и вихаладюв вместе лэнца, сар када трэбуй па обрядо, и потин важ лэндэ, кай вонэ тэ опшынэн и бал. Тоди всаворэ полэна, кай пала тутэ евья дэн дума и кай ту идоси ритярэс о законо. 25 Ай лэ манушэнди анда авэр народоря, савэ патяе, амэ бишалдям о письмо, андэ саво пистромэ амари решэния: вонэ трэбуй тэ ритярдён май дур лэ жэртвэндар важ лэ дэвлэндирэ статуэтки, лэ ратэстар, лэ потасадэ жывотнонэндирэ масэстар* и лэ билажавардимастар*».
26 Пэ авэр дес о Павло вместе кодэлэ муршэнца вихаладеля, сар трэбуй па обрядо, и зажыля андэ қандири, кай тэ ԥэнэн, кала вонэ ашэна вужэ и кала важ кажно андар лэндэ трэбуй тэ анэн и жэртва.
27 Кала почти прожылэ семь деса, и евреёря анда Азия* додиқлэ лэ Павлос андэ қандири. Тоди вонэ звазглэ лэ мирос пэр лэстэ и хутилдэ́ лэс. 28 Кадэла мануша цыпинас: «Израильтяноря, поможын! Кадэва мануш везде сытярэл кодэлэсти, со лажаварэл амарэ народос, амаро законо и кадэва ҭан. Тай инке во андя андэ қандири лэ греконэн и маӷрисардя кадэва свынто ҭан». 29 Пэ десэндэ вонэ диқлэ лэса андо форо лэ Трафимос анда Ефе́со и гиндосардэ, кай о Павло андя лэс андэ қандири. 30 Вся о форо ля тэ ӷудий. Поднашлэ и мануша, хутилдэ́ лэ Павлос и вицырдэ́ лэс анда қандири; и вудара сразу жэ ԥандадэ. 31 Вонэ тидэнаспэ лэс тэ умарэн, но о барэдэр халавдо* уӷангля, кай андо Иерусалимо звазгляпэ о миро. 32 Во сразу ля лэ халавдэн и аврэ барэ халавдэн и поднашля каринг и мануша, савэ стидэ́пэ. Кала вонэ додиқлэ лэ барэдэрэ халавдэс аврэ халавдэнца, вонэ парашэлэ тэ марэн лэ Павлос.
33 О барэдэр халавдо пашэля и приԥэндя тэ шон пэр лэстэ дуй цэпоря. Тоди во пушля, ко кадэва мануш и со во стердя. 34 Но дэсавэ анда толпа цыпинас ек, ай авэр мануша цыпинас авэр. Котэ сас кацаво шумо, кай лэстэ на вижыля нисо тэ уӷанэн, важ када во приԥэндя тэ ундярэн лэ Павлос андэ халавдицки баракоря*. 35 Кала о Павло сас ужэ пэ лесница, и мануша кадя подиляйлэ, кай лэ халавдэнди прижыляпэ тэ андярэн лэс. 36 Ай о миро жалас палал и цыпияс: «Тэ мэрэл во!»
37 Паша халавдицки баракоря о Павло пушля кай о барэдэр халавдо: «Моӷу мэ коесо тэ пушав тутар?» Во удивисайля: «Ту дэс дума пэ греческо шыб? 38 Вижал, ту най кодэва египтянино, саво найдэлмут звазгля лэ мирос и ундярдя андэ пустыня 4 000 шындимарен*?» 39 Тоди о Павло ԥэндя: «Мэ евреё анда ашунгло форо Та́рсо, саво андэ Килики́я. Мангав тут, дэ манди тэ взвисавав каринг и мануша». 40 О барэдэр халавдо мэкля лэс, и о Павло терделя пэ лесница и подя знако лэ вастэса, кай тэ ашэл тихо. Кала о миро ашэля мулком, во взвисайля лэндэ пэ еврейско шыб: