Дила
26 О Агри́па ԥэндя лэ Павлости: «Адес ту можэш тэ зашоспэ пала пэстэ».
Тоди о Павло вазгля о вас и ԥэндя:2 «Царё Агри́па, мэ фартэ лошало, кай имено англа тутэ мэ адес моӷу тэ зашавпэ пала пэстэ и тэ доԥэнав, кай мэ найдошало, андэр со ман дошалярэн. 3 Важ кода кай ту драго ӷанэс всаворэ обычаи и спорни вопросоря, савэ исин кай и евреёря. Кочай мангав тут тэ виашунэс ман до конца.
4 Пала кода, сар мэ жы анда тэрнэ бэрша андяравас пэс машкар мэрно народо, ай потом андо Иерусалимо, ашундэ всаворэ евреёря, 5 савэ дэлмут ман ӷанэн. И вонэ, если закамэна, моӷут тэ потвердин, кай мэ сымас фарисеё, ай и фарисеёря со май фартэ андэ амари вера ритярэн о законо. 6 Акана мэ тердював по сындо важ кода, кай надеисавав пэ обещания, сави о Дэл дя амарэ ԥурэнди. 7 И амарэ 12 коленоря анда вся ди терэн лэ Дэвлэстири дила о дес и рят, кай тэ доаштярдён, кала о Дэл зритярэла кадэя обещания. Мэ надеисавав пэ када, царё, — акэ васо и евреёря ман дошалярэн.
8 Васо важ тумэндэ невозможно, кай о Дэл можэт тэ жундярэл лэ мулэн? 9 Мэ тожэ гиндосаравас, кай трэбуй тэ стерав вся, со па мэрно зор, кай тэ борисавав против о Исусо анда Назаре́то. 10 Кадэлэса мэ и залаваспэ андо Иерусалимо. Манди и барэ рашая динэ право, и мэ шавас андо баруно бутэ свынтонэн и, кала лэн тидэнаспэ тэ казнин, мэ сымас соӷласно кадэлэса. 11 Мэ най еқвар ававас андэ синагоги и ӷонисаравас лэн, кай тэ застависарав лэн тэ отԥэндён пэстирэ Дэвлэстар. Мандэ сас кацави холи пэр лэндэ, кай мэ теравас лэнди вэрыто дажэ андэ авэр фороря.
12 Важ када, кала и барэ рашая динэ манди право када тэ терав, мэ жылэм андо Дама́ско. 13 Андо дром, царё, андэ епаш дес пэр мандэ и пэ кодэла, ко сас манца, па небо дядап о свето, саво сас май ярко, чем о қам. 14 Амэ пэлям пэ ԥув, и мэ ашундэм ӷолосо, саво ԥэндя манди пэ еврейско шыб: „Са́вло! Са́вло, васо ту ман ӷонис? Ту терэс пэсти вэрыто, кай жас против востро рувли*“. 15 Мэ пушлэм: „Ко дэл дума?“ Во ԥэндя: „Када о Исусо, савэс ту ӷонис. 16 Ущи, тердюв пэ пэрнэ. Мэ сыкаделэм тути, важ кода кай витидэм тут. Ту авэса мэрно помошнико и лэса тэ росԥэнэс пала кода, со диқлян, и пала кода, со мэ тути сыкавава*. 17 Мэ лава тэ фэрисарав тут тирэ народостар и лэ манушэндар анда авэр народоря. 18 Мэ бишалав тут каринг лэндэ, кай тэ ԥэрнадён лэндирэ яқа и вонэ тэ вижан анда тэмнота каринг о свето и анда лэ Сатанастирэ вас каринг о Дэл и кай через пэско патяимос андэр мандэ тэ простийпэ лэнго бэзэх и тэ дорэсэлпэ лэнди кода, со прижал лэ свынтонэнди“.
19 Царё Агри́па, мэ стердэм кадя, сар о Исусо ԥэндя манди, кала сыкаделя. 20 Спэрва мэ росԥэнавас и лащи новость андо Дама́ско, потом андо Иерусалимо и па вся Иуде́я, ай кадяжэ лэ манушэнди анда авэр народоря. Мэ ԥэнавас всаворэнди тэ каинпэ и диласа када тэ сыкавэн, кай тэ бандён каринг о Дэл. 21 Кочай и евреёря хутилдэ́ ман андэ қандири и камлэ тэ умарэн. 22 Но о Дэл поможысардя манди, и важ када мэ идоси росԥэнав и лащи новость и лэ простонэнди, и лэ ашунглэ манушэнди, и дав дума кати пала кода, со май данглал ԥэндэ лэ Дэвлэстирэ особи мануша и о Маисеё: 23 о Христос трэбуй сас тэ пэрэандярэл о ԥаримос и, сар пэрво, ко трэбуй тэ жундёл, тэ росԥэнэн пала свето амарэ народости и лэ манушэнди анда авэр народоря».
24 Пока о Павло инке дэлас дума, о Фе́сто зацыписайля: «Павло, ту зжылян па годятэ! Ту диляйлян, кай черезчур ӷрамотно!» 25 Пэ када о Павло ԥэндя: «Пативало Фе́сто, мэ на зжылэм па годятэ, мэрнэ алава чачунэ, и мэ полав, пала со дав дума. 26 Но о царё и кадя вся када драго ӷанэн, кочай мандэ исин муй тэ дав дума пала када. Мэ патяв, кай во пэ вся шутя сама, важ кода кай када на сас гарадо андэ гонэстэ. 27 Царё Агри́па, патяс кодэлэсти, со ԥэндэсас лэ Дэвлэстирэ особи мануша? Ӷанав, кай патяс». 28 О Агри́па ԥэндя лэ Павлости: «Инке набут, и ту доԥэнэса манди тэ ашав христианино». 29 О Павло ԥэндя: «Мэ мангав лэ Дэвлэс, кай щас или ӷэт май интя най кати ту, но и всаворэ, ко ман адес ашунэн, тэ ашэн кацавэ жэ, сар мэ, кати би кадэлэ цэпонэнго».
30 Тоди о царё ущеля, и лэса ущеля о правителё, и Верени́ка, ай кадяжэ и мануша, савэ бэшэнас лэнца. 31 Вонэ вижанас анда зало и ԥэнэнас ек еқэсти: «Кадэва мануш на стердя нисо кацаво, кай лэс тэ казнин или тэ бэшарэн». 32 О Агри́па ԥэндя лэ Фестости: «Лэс можно сас тэ одмэкас, если во тэ на манглоп, кай лэс тэ сындой о ӷлавно римско правителё».