Лука

12 Андэ кодэя время стидяпэ кадя бут миро — тысячи мануша, — кай вонэ уштавэнас ек еқэсти пэ пэрнэ. О Исусо банделя каринг и ученикоря и ԥэндя: «Фэринпэ, кай тэ на́ римой тумэн лэ фарисеёнэндири опара — када лэнго хохаимос*. 2 Вся, со гарадо, — дицола и вся, пала со на росԥэнэн, — ашундёла. 3 Кочай кода, со тумэ ԥэнэн и рят*, ашунэна десэ*, и кода, пала со тумэ шэпчинпэ андо цэр, лэна тэ росԥэнэн па крышы. 4 И инке ԥэнава тумэнди, ԥрала*: на́ даран кодэлэндар, ко можэт тэ умарэл тумэн*, но потом ужэ нисо не сможэт тумэнди тэ стерэл. 5 Но акэ кастар тумэнди трэбуй тэ даран: даран кодэлэстар, ко можэт най кати тэ умарэл тумэн, но и тэ шол андэ гее́на*. Ԥэнав тумэнди, лэстар даран. 6 Кати важ дуй мардорэ* битинэн панчже чириклёран. И всаек о Дэл на бистрэл ни еқа андар лэндэ*. 7 Ай тумэндэ дажэ всаворэ бал по шэро виадиносардэ. На́ даран, тумэ май куч бутэ чириклёрандар.

8 Ԥэнав тумэнди: ко ворта прижанэна ман англа миро, лэс прижанэна и лэ манушэско Шаво англа лэ Дэвлэстирэ анӷелоря. 9 Ай ко отԥэндёла мандар англа миро, лэстар отԥэндёла и лэ манушэско Шаво англа лэ Дэвлэстирэ анӷелоря. 10 Кодэва, ко ԥэнэна варисо против лэ манушэско Шаво, авэла простисардо, но кодэва, ко найпативалэс дэла дума пала свынто зор, на авэла простисардо. 11 Кала тумэн лэна англа всаворэ тэ допушэн* и тумэ тердёна англа правителя и англа барэ мануша, не пережывайте пала кода, сар тумэнди тэ зашонпэ пала пэстэ и со тэ ԥэнэн, 12 важ кода кай андэ кодэва маменто* о свынто зор сытярэла тумэн, со тэ ԥэнэн».

13 Ай ек мануш анда толпа ԥэндя лэсти: «Учителё, ԥэн мэрнэ ԥралэсти, кай во тэ поделий манца кода, со дорэсляпэ амэнди лэ дадэстар». 14 Пэ када во ԥэндя: «Ашун, ко стодя ман тэ сындосарав тумэн или тэ лавпэ хуласа пала тумари дила?» 15 Потом во ԥэндя: «Фэринпэ, кай тэ на ашэн чорымастирэ, важ кода кай, скати кай о мануш тэ на авэл мищимос, лэстири жызня не зависит кадэлэстар». 16 И во росԥэндя примеро: «Кай ек барвало мануш пэ мал вибареля лашо урожаё. 17 Тоди во ля тэ гиндой: „Со мэ тэ терав? Важ кода кай акана манди найкаринг тэ стидав о урожаё“. 18 Во приля кацави решэния: „Стерава акэ со: зындярава пэстирэ складоря и построисарава нэвэ, инке май барэ, стидава интя вся мэрно зэрно и вся мэрно мищимос*, 19 ай потом ԥэнава корко пэсти: ‚Ту стидян бут со лашо, и када хутилэла пэ бут бэрша. Отцыюв, ха, пи и лошав‘“. 20 Но о Дэл ԥэндя лэсти: „Найгодявэрно, адес и рят ту мэрэса*. Касти тоди дорэсэлапэ вся, со ту стидян?“ 21 Кадя можэт тэ авэл кодэлэнца, ко стидэл о барвалимос важ пэстэ, но на старыийпэ тэ ашэл барвало андэ лэ Дэвлэстирэ яқа».

22 Потом о Исусо ԥэндя лэ учениконэнди: «Важ када ԥэнав тумэнди: парашэн тэ пережываете пала пэстири жызня — со тумэнди тэ хан, ай кадяжэ пала пэстири тила — андэр со тэ утидэнпэ. 23 Важ кода кай и жызня май куч лэ хамастар, ай и тила — ла ӥдатар. 24 Диқэн пэ кикирашки: вонэ на сеин и на стидэн о урожаё и лэндэ нинай нисавэ складоря, но о Дэл праварэл лэн. Ай тумэ пэбутэстэ май куч лэ чирикляндар! 25 Если варико андар тумэндэ лэла тэ пережывает, сможэт во тэ продлий пэстири жызня хоть пэ часостэ*? 26 Если тумэ дажэ када не можэте тэ стерэн, тоди состэ тэ загрыжонпэ пала вся авэр? 27 Диқэн, сар барён и лилии: вонэ на терэн бути и на терэн ҭава, но ԥэнав тумэнди, кай дажэ о Саламоно, саво сас фартэ барвало, на утидэласпэ кадя, сар любо андар лэндэ. 28 Если о Дэл кадя утидэл и цвиторя пэ мал, савэ адес исин, ай тэся попэрэна андо бов, тоди во уж точно утидэла тумэн, ко на допатял*! 29 Кочай парашэн тэ загрыжонпэ пала кода, со тумэнди тэ хан и со тэ пэн, и парашэн тэ пережываете. 30 Важ кода кай пала вся када кати и гиндон и мануша андэ кадэя люма, но тумаро Дад ӷанэн, кай тумэнди када трэбуй. 31 Вся и время стон лэско Царство по пэрво ҭан андэ пэстири жызня, и вся када авэла дино тумэнди.

32 На́ дар, найбаро стадо, важ кода кай тумаро Дад камэл тэ дэл тумэнди о Царство. 33 Розбитинэн пэско мищимос и поможын лэ чорорэнди*. Стерэн и тышылы, савэ на сԥирядён, — стидэн по небо барвалимос, саво на кончийпэ, важ кода кай котэ лэс нико на чорэла и на похала и моль. 34 Вижал, кай тумаро барвалимос, котэ авэла и тумаро ди.

35 Авэн ӷотови* и мэк ԥабон тумарэ лампы. 36 Тумэ трэбуй тэ шонпэ пэ раборя, савэ аштярэн, кала рияпэ лэнго хулай па ябьяв, кай, сар кати во авэла и постучия, сразу лэсти тэ ԥэрнавэн. 37 Бахталэ кодэла раборя, савэ на лэна тэ совэн, кала авэла лэнго хулай! Чаче ԥэнав тумэнди: во пэрэутидэлапэ*, ақарэла лэн каринг и мисяйля и авэла лэнди тэ стол и тэ подэл. 38 И если во авэла позно вечером* или дажэ и рят* и диқэла, кай вонэ лэс аштярэн, тоди вонэ бахталэ! 39 Погиндон акэ пала со: тэ ӷанглоп лэ цэрэско хулай, кала* авэла о чор, тоди во на диноп лэсти тэ заӷулел андо цэр. 40 Кадя и тумэ авэн ӷотови, важ кода кай лэ манушэско Шаво авэла, кала* тумэ када на аштярэн».

41 Тоди о Пётро пушля: «Учителё*, ту призындярдян кадэва примеро кати важ амэндэ или важ всаворэ?» 42 О Исусо* ԥэндя: «Ко о кандино и годявэрно* слуӷо, савэс о хулай стола барэдэрэса пэ авэр слуӷоря, кай вовремя тэ дэл лэнди хамос, скати трэбуй? 43 Бахтало кадэва рабо, если лэско хулай, кала авэла, диқэла, кай во кадя и терэл! 44 Чаче ԥэнав тумэнди: во стола лэс тэ диқэл пала вся пэско мищимос. 45 Но если кадэва рабо лэла тэ гиндой: „Мэрно хулай заритярдёл“ — и лэла тэ марэл лэ слуӷонэн и лэ служанкэн, тэ хал, тэ пэл и тэ упэлпэ, 46 тоди кадэлэ рабоско хулай авэла андэ кодэва дес, кала во лэс на аштярэл, и андэ кодэва часо, пала саво во на ӷанэн, и о хулай, посли кода сар строӷо лэстар спушэла, шола лэс интя, кай находинпэ и найкандинэ мануша. 47 И тоди кодэва рабо, саво ӷанэнас, со камэл лэско хулай, но на сас ӷотово каринг кода, кай во тэ авэл, и на терэлас кода, со во мангля, мардёла най еқвар. 48 Ай кодэва, саво на ӷанэнас и терэлас кода, пала со трэбуй тэ спушэн, мардёла май набут. Касти дино бут, кодэлэстар бут и спушэна и, ко стодо пала май бут тэ диқэл, кодэлэстар и май бут аштярэна.

49 Мэ авелэм тэ росԥабарав пэ ԥув и яг, и со инке мэ тэ камав, если вой ужэ росԥабеля? 50 Мэ трэбуй тэ пэрэандярав о ԥаримос*, и сар жэ манди ԥарэс тэ аштярав, кала прожала кадэя время! 51 Тумэ гиндон, мэ авелэм тэ стерав* пэ ԥув мирно жызня? Най, ԥэнав тумэнди, най тэ стерав мирно жызня, ай тэ розделисарав лэ мирос. 52 Важ кода кай акана панч мануш андэ ек цэр розделинапэ: трин авэна против дуй и дуй против трин. 53 О дад авэла против пэско шаво, ай о шаво против пэско дад, и дэй против пэстири щей, ай и щей против пэстири дэй, и сасуи против и бори, ай и бори против и сасуи».

54 Посли када о Исусо ԥэндя лэ народости: «Кала по западо лэл тэ дицол туча, тумэ сразу ԥэнэн: „Авэла бари балвал“, и кадя и ашэл. 55 И кала ԥурдэл и южно балвал, тумэ ԥэнэн: „Авэла жарко“, и кадя и терэлпэ. 56 Двухлични мануша, тумэ ӷанэн, сар тэ полэн и поӷода па кода, со диқэн пэ ԥув и по небо. Тоди васо тумэ не можэте тэ полэн, со терэлпэ андэ кадэя время? 57 И васо тумэ на розлэнапэ андэ кода, со правильно? 58 Например, кала ту жас каринг о баро мануш кодэлэса, ко сындойпэ туса, старысав тэ поладис лэса инке па дром, кай во тэ на отдэл тут андэ вас лэ сындомарести, ай о сындомари — лэ халавдэнди и вонэ тэ на шон тут андо баруно. 59 Ԥэнав тути: ту на вижаса котар, пока на випотинэса вся жы каринг о послиднё мардо*».