Дила
18 Посли када о Павло ужыля анда Афи́ны и авеля андо Кари́нфо. 2 Котэ во диқля еқэ евреёс, савэс ақарэнас Аки́ла, во сас анда По́нто, и кадяжэ лэстиря хулая́ ла Прискила. Найдэлмут вонэ авелэ анда Ита́лия, важ кода кай о Кла́вдиё приԥэндя всаворэ́ евреёнэнди тэ ужан анда Римо. О Павло авеля каринг лэндэ 3 и, важ кода кай во, сар и вонэ, сувэлас катуны, ашэляпэ лэндэ и ля тэ терэл бути вместе лэнца. 4 Кажно субота во ԥэнэнас дума* андэ синагога и доԥэнэнас лэ евреёнэнди и лэ греконэнди, кай вонэ тэ патян лэстирэ алавэнди.
5 Кала анда Македо́ния авелэ о Си́ла и о Тимафеё, о Павло ля инке май бут тэ росԥэнэн о алав лэ Дэвлэстар и тэ доԥэнэн лэ евреёнэнди, кай о Исусо — када Христос. 6 Но вонэ на дэнас лэсти када тэ терэл и найпативалэс дэнас дума пала лэстэ, важ када во оптиносардя пэстири ӥда* и ԥэндя лэнди: «Тумэ екжэнэ дошалэ андэ пэстири смэрть. Мэ найдошало и акана жав каринг и мануша анда авэр народоря». 7 Во ужыля котар* и авеля андо цэр кай о Ти́тиё Ю́сто, саво тэлёлас лэ Дэвлэсти. (Во жувэлас паша синагога.) 8 Но о Кри́спо, барэдэр андэ синагога, и вся лэско ери патяе андо Баро Хулай. И бут кари́нфяноря, савэ ашундэ и лащи новость, патяе и болделэ. 9 И рят о Баро Хулай сыкаделя лэ Павлости и ԥэндя: «На́ дар! Дэ дума, на́ аш мулком, 10 важ кода кай мэ туса, нико на дэла пэр тутэ и на стерэла тути вэрыто. Мандэ исин бут мануша андэ кадэва форо». 11 О Павло сас андо Кари́нфо бэрш епашэса и росԥэнэнас* котэ лэ мирости пала алав лэ Дэвлэстар.
12 Кала о Галио́но сас барэдэр пэ область* Аха́я, и евреёря сԥэнделэ машкар пэстэ, хутилдэ́ лэ Павлос и андярдэ лэс андо сындо. 13 Вонэ ԥэндэ лэ барэдэрэсти пэ область: «Кадэва мануш сытярэл лэ мирос тэ полэн лэ Дэвлэс най кадя, сар пистромэ андо законо». 14 О Павло инке нисо на ԥэндя, сар о Галио́но взвисайля каринг и евреёря: «Тэ жылоп и дума, кай варико стердя варисо против законо или кай тердяпэ бида, мэ тумэн виашундоп. 15 Но если тумэ споринпэ пала кода, ко со ԥэндя, кас сар ақарэн и пала пэско законо, розлэнпэ андэ када екжэнэ. Мэ на камав тэ розлавпэ андэ кацави дила». 16 И во видарадя лэн котар. 17 Тоди вонэ хутилдэ́ лэ Сасфенос, саво сас барэдэр андэ синагога, и линэ тэ марэн лэс котэ, по сындо. Но лэ Галионости сас всаек, со вонэ терэнас.
18 О Павло сас котэ инке дэсави время, ай потом, сар тэ ладэлтар, зажыля кай и ԥрала и отплывисардя андэ Си́рия вместе ла Прискиласа и лэ Акиласа. Англа када, андэ Кенхре́и, о Павло опшындя пэсти и бал, важ кода кай солахадя. 19 Кала вонэ авелэ андо Ефе́со, о Павло ашадя лэн андо форо, ай екжэно жыля андэ синагога и ля тэ дэл дума лэ евреёнэнца. 20 Вонэ мангэнас лэс тэ заритярдёл инке пэ дэсави время, но во на закамля. 21 Кала о Павло ля тэ жалтар, во ԥэндя лэнди: «Если лэ Иеговасти* авэла уӷодно, мэ упалэ авава тумэндэ». Во отплывисардя анда Ефе́со 22 и авеля андэ Кеса́рия. Посли када во ужыля андо Иерусалимо, диқляпэ лэ ԥралэнца и лэ ԥэянца анда ӷурто, ай тоди жыля андэ Антио́хия.
23 О Павло сас дэсави время андэ Антио́хия, ай потом упалэ жыля андо дром. Во прожалас через и фороря андэ области Гала́тия и Фри́гия и придэлас зор лэ учениконэнди.
24 Андо Ефе́со авеля ек евреё, савэс ақарэнас Апало́со, во сас анда Александри́я. Во ӷанэнас шукарнэс тэ дэл дума и драго ӷанэнас и Свынти Лила. 25 Во ӷанэнас* лэ Иеговастири время и через о свынто зор ԥабардэ одеса дэлас дума и сытярэлас пала Исусо. Во терэлас када правильно, хоть и ӷанэнас кати пала крещения, пала сави росԥэнэнас о Иоа́но. 26 О Апало́со ля смило тэ дэл дума андэ синагога. Кала и Приски́ла и о Аки́ла ашундэ лэс, вонэ ақардэ лэс каринг пэстэ и поможысардэ лэсти инке май точно тэ полэл лэ Дэвлэстири время. 27 Во тидэласпэ тэ жал андэ Аха́я, важ када и ԥрала пистросардэ кордэ лэ учениконэнди и манглэ анда ди тэ прилэн лэс пэстэ. Кала о Апало́со авеля андэ Аха́я, во фартэ поможысардя кодэлэнди, ко патяя через лэ Дэвлэско баро ковло ди. 28 Во ԥабардэ одеса англа всаворэ сыкавэлас лэ евреёнэнди, соса на зжалпэ кода, андэр со вонэ патян. Во када терэлас, кала доԥэнэнас па Свынти Лила, кай о Исусо — када Христос.