Дила
8 О Са́вло подритярэлас кодэлэн, ко умардя лэ Стефанос.
Кодэлэ десэстар о ӷурто андо Иерусалимо линэ фартэ тэ ӷонин, и всаворэ, кроме апосталоря, порознашлэпэ па Иуде́я и Сама́рия. 2 Ай и фартэ верущи мануша притидэ́ лэ Стефанос и долӷо ровэнас пала лэстэ. 3 Андэ кодэя время о Са́вло терэлас вся, кай лэ ӷуртостар нисо тэ на ашэлпэ, и важ када во дэлас андэ цэра, виволочияс котар лэ муршэн и лэ жувлян и шолас лэн андо баруно.
4 И ученикоря нашлэ андэ разни краёря и котэ росԥэнэнас и лащи новость. 5 Кадя, о Фили́по авеля андо форо Сама́рия* и ля тэ росԥэнэн пала Христос. 6 Всаворэ мануша, кала ашунэнас лэ Филипос и диқэнас и чудеса, савэ во терэлас, шонас бари сама пэ лэстирэ алава. 7 И найвужэ цыпимаса вижанас анда бут мануша; кадяжэ исцэлисайлэ бут парализовани и ланганэ. 8 И всаворэ андо форо фартэ лошавэнас.
9 Андэ Сама́рия жувэлас ек мануш, савэс ақарэнас Си́мано. Во драбатярэлас, удивияс лэ мирос, саво жувэлас андэ кодэва форо, и ԥэнэнас пэр пэстэ, кай во особено. 10 Всаворэ мануша, прости и ашунглэ, ашунэнас лэс и ԥэнэнас: «Кадэлэ манушэстэ исин баро зор лэ Дэвлэстар». 11 Вонэ приашундёнас каринг лэстэ, важ кода кай во бут время удивияс лэн драбатяримаса. 12 Но кала вонэ патяе лэ Филипости, саво росԥэнэнас лэнди пала лэ Дэвлэско Царство и пала лэ Исусоско лэ Христоско алав, тоди болделэ, и мурш, и жувля. 13 О Си́мано тожэ патяя и болделя. Во на оджалас лэ Филипостар и фартэ удивияспэ кодэлэсти, савэ чудеса и удивительно дила кодэва терэлас.
14 И апосталоря андо Иерусалимо ашундэ, кай и мануша андэ Сама́рия прилинэ о алав лэ Дэвлэстар, и бишалдэ каринг лэндэ лэ Петрос и лэ Иоанос. 15 Вонэ авелэ и манглэпэ, кай лэ самаритянонэнди тэ авэл дино о свынто зор. 16 (Лэн болдэ́, важ кода кай вонэ прижанглэ лэ Барэ Хулас лэ Исусос, но о свынто зор лэнди инке на сас дино.) 17 Кала о Пётро и о Иоа́но стодэ пэр лэндэ и вас, о свынто зор сас лэнди дино.
18 О Си́мано додиқля, кай о свынто зор дэлпэ лэ манушэнди, кала и апосталоря стон пэр лэндэ и вас, и камля тэ дэл ловэ лэ апосталонэнди. 19 Во мангля лэндар: «Дэн и манди кадэва зор, кай через мэрнэ вас лэ манушэнди тэ авэл дино о свынто зор». 20 Но о Пётро ԥэндя лэсти: «Мэк хындёл тиро руп вместе туса! Ту чаче гиндос, кай лэ Дэвлэско лашымос можно тэ тинэс?! 21 Тутэ на авэла кадэва зор, важ кода кай о Дэл диқэл тиро найлашо* ди. 22 И акэ каисав и манг лэ Иеговас*, кай во тэ простий тути тиро вэрыто гиндо, 23 важ кода кай мэ диқав, кай ту — кирко ядо и лэ бэзэхэско рабо». 24 О Си́мано мангля: «Мангэнпэ важ мандэ лэ Иеговасти, кай тэ на терэлпэ манца кода, со тумэ ԥэндэ».
25 Кала вонэ обжылэ вся кодэва краё и всаворэнди росԥэндэ пала алав лэ Иеговастар, вонэ жылэ палпалэ андо Иерусалимо и па дром росԥэнэнас и лащи новость андэ бут гава, кай жувэнас и самаритя́норя.
26 Ай лэ Филипости лэ Иеговаско анӷело ԥэндя: «Жа па дром*, саво змэкэлпэ анда Иерусалимо андэ Га́за». (Када дром через и пустыня.) 27 О Фили́по кадя и стердя. Котэ во додиқля лэ барэ манушэс* анда Ефио́пия, саво терэлас и дила кай и ефиопско царица* и диқэлас пала латирэ ловэ. Во авелясас андо Иерусалимо, кай тэ тэлёл лэ Дэвлэсти, 28 ай акана рияспэ цэрэ. Во бэшэлас андо царско вурдон и адинояс* кода, со пистросардя лэ Дэвлэско особо мануш о Иса́я. 29 Через о свынто зор лэ Филипости сас ԥэндо: «Доӷонисар кадэва царско вурдон». 30 О Фили́по потпрастая каринг о вурдон, ашундя, кай во адиной кода, со пистросардя лэ Дэвлэско особо мануш о Иса́я, и пушля: «Ту полэс, со адинос?» 31 Кодэва мануш ԥэндя лэсти: «Сар жэ мэ полава, если нико манди на росԥэнэна?» — и мангля лэ Филипос тэ бэшэл лэса андо вурдон. 32 Во адинояс кацавэ алава анда Свынти Лила: «Лэс андярэнас, сар бакрэс пэ шури, и сар о бакроро на цыпий, кала лэс стрыжын, кадя и во на ԥэндя ни ек алав. 33 Андар лэстэ издевались и лэсти виандярдэ несправедливо приӷоворо. Ко виадиноя, анда саво во колено, и росԥэнэна пала када? Важ кода кай пэ ԥув лэстар одлинэ и жызня».
34 О баро мануш ԥэндя лэ Филипости: «Мангав тут, ԥэн, пала кастэ лэ Дэвлэско особо мануш када ԥэнэн? Пала пэстэ или пала авэр мануш?» 35 О Фили́по заля и дума лэ Исаястирэ алавэндар и ля тэ росԥэнэн лэсти и лащи новость пала Исусо. 36 Через дэсави время вонэ подлаглэ каринг о паи, и о баро мануш ԥэндя: «Акэ о паи, со на дэл манди тэ болдював?» 37 ——* 38 Кадэва баро мануш ԥэндя тэ тердярэн о вурдон, и вонэ лэдуй, во и о Фили́по, зажылэ андо паи, и о Фили́по болдя лэс. 39 Кала вонэ вижылэ анда паи, лэ Иеговаско зор сразу ундярдя лэ Филипос, и кадэва баро мануш будэр лэс на диқля. Во лагля май дур и сас фартэ лошало. 40 Ай о Фили́по очутисайля андо Ашдо́до. Во прожалас па кодэла краёря и росԥэнэнас и лащи новость андэ всаворэ фороря, пока на дожыля жы каринг и Кеса́рия.