Лука

19 О Исусо зажыля андо Ерихо́но и прожаласпэ па форо. 2 Котэ жувэлас ек барвало мануш, савэс ақарэнас Закхе́ё, во сас барэдэр пэ налоӷово*. 3 Лэсти фартэ камэласпэ тэ диқэл лэ Исусос, но через и толпа во не моӷ лэс тэ додиқэл, важ кода кай сас найбарэ ростоса. 4 Тоди во прастая май англэ и заӷульдя пэ витка*, кай тэ диқэл лэ Исусос, кала во лэла тэ прожал мимо. 5 Кала о Исусо поджыля каринг кодэва ҭан, во подиқля упрэ и ԥэндя лэсти: «Закхе́ё, май ӥто зӷуль тэлэ, важ кода кай адес мэ авава каринг тутэ цэрэ». 6 О Закхе́ё ӥто зӷульдя па витка и сас лошало тэ прилэл лэс пэстэ цэрэ. 7 Кала всаворэ када диқлэ, вонэ линэ холяса тэ ԥэнэн: «Во авеля кай лэ бэзэхэско мануш». 8 Но о Закхе́ё ущеля и ԥэндя лэ Исусости*: «Учителё*, епаш мэрно мищимос мэ роздава лэ чорорэнди, ай кодэлэнди, кастар вимаравас и ловэ*, мэ рисарава штарвар май бут». 9 Тоди о Исусо ԥэндя: «Адес о Дэл спасысардя кадэлэ манушэс и лэстирэ ерес, важ кода кай во тожэ лэ Авраамоско шаво. 10 Лэ манушэско Шаво авеля тэ виарақэл и тэ спасый кода, со хасарделя*».

11 О Исусо росԥэндя кодэлэнди, ко лэс ашунэлас, инке ек примеро, важ кода кай во сас найдур лэ Иерусалимостар и вонэ гиндонас, кай лэ Дэвлэско Царство ӥто трэбуй тэ авэл*. 12 Во ԥэндя: «Ек ашунгло мануш жыля дур андэ авэр страна, кай тэ ашэл царё и тэ рийпэ. 13 Во ақардя дэшэ рабонэн, дя лэнди барэ ловэ* и ԥэндя: „Роскрутинпэ пэ кадэла ловэ, кай лэндар тэ авэл толко, пока мэ на авава“. 14 Но о народо анда лэстири страна вэрыцыяс лэс и бишалдя каринг лэстэ манушэн тэ ԥэнэн: „Амэ на камас, кай ту тэ авэс амаро царё“.

15 Кала кадэва мануш ашэля царё, во рисайля и ақардя лэ рабонэн, савэнди дя ловэ*, кай тэ уӷанэн, скати вонэ затердэ. 16 О пэрво рабо авеля и ԥэндя: „Хулай, па тирэ ловэ мэ затердэм дэшвар май бут*“. 17 О хулай ԥэндя лэсти: „Ту лашо и хулаицко рабо! Тути исин патяимос андэ кацави найбари дила, важ када мэ став тут тэ правис пэ дэш фороря“. 18 Потом авеля о дуйто и ԥэндя: „Хулай, па тирэ ловэ мэ затердэм панчвар май бут*“. 19 Кадэлэ рабости во ԥэндя: „Ту лэса тэ правис пэ панч фороря“. 20 Тоди авеля инке ек рабо и ԥэндя: „Хулай, акэ тирэ ловэ*. Мэ гарававас лэн андо қосноро. 21 Мэ даравас тутар, важ кода кай ту сурово мануш. Ту лэс кода, со на стодян, и стидэс кода, со на сеисардян“. 22 Но о хулай ԥэндя лэсти: „Неӷожо рабо, мэ приастарава* тут па тирэ жэ алава. Вижал, ту ӷанглян, кай мэ сурово мануш: лав кода, со на стодэм, и стидав кода, со на сеисардэм? 23 Васо жэ ту на отдян мэрнэ ловэ* тала процэнторя*? Тоди мэ, кала рисайлоп, линоп лэн ку процэнторя“.

24 И во приԥэндя кодэлэнди, ко тердёлас найдур: „Одлэн лэстар и ловэ и дэн кодэлэсти, ко затердя дэшвар май бут*“ 25 Но вонэ ԥэндэ лэсти: „Хулай, лэстэ и кадя ужэ дэшвар май бут ловэ*!“ 26 Во ԥэндя: „Ԥэнав тумэнди: кодэлэсти, кастэ исин, дэна май бут, ай кодэлэстар, кастэ нинай, одлэна дажэ кода, со лэстэ исин. 27 Анэн кардэ мэрнэ вороӷонэн, савэ на камэнас, кай мэ тэ авав лэнго царё, и казнин лэн англа мандэ“».

28 Посли кадэла алава о Исусо жыля май дур андо Иерусалимо. 29 Кала во поджыля каринг и Вифа́гия и Вифа́ния, савэ по Масли́чно плай, во ԥэндя дуе учениконэнди: 30 «Жан андо гав, саво англа тумэндэ. Кала зажана андэр лэстэ, тумэ арақэна приԥанглэ ишачкос, пэ саво инке нико на ездияс*. Отԥандэн лэс и анэн каринг мандэ. 31 Ай если тумэндар пушэна: „Состэ тумэ лэс отԥандэн?“ — ԥэнэн: „Во трэбуй лэ Барэ Хуласти“». 32 И ученикоря жылэ и виарақлэ лэ ишачкос, сар и ԥэндя лэнди о Исусо. 33 Кала вонэ отԥандэнас лэ ишачкос, лэстирэ хула́я пушлэ: «Состэ тумэ отԥандэн лэ ишачкос?» 34 Вонэ ԥэндэ: «Во трэбуй лэ Барэ Хуласти» — 35 и андэ́ лэс каринг о Исусо. Посли када вонэ шутэ по ишачко пэстири ӥда и бэшэрдэ пэр лэстэ лэ Исусос.

36 Во ладэлас по ишачко, ай о миро буӷлярэлас по дром пэстири ӥда. 37 Кала во ля тэ змэкэлпэ па Масли́чно плай, бут ученикоря линэ тэ лошавэн и ӷромко тэ ԥэнэн лашэ алава пала Дэл важ всаворэ чудеса, савэ вонэ диқлэ. 38 Вонэ ԥэнэнас: «Бахтало* о Царё, саво жал лэ Иеговастирэ* алавэстар! Тэ авэл лашымос* по небо и тэ авэл ашунгло кодэва, ко упрэ!» 39 Но дэсавэ фарисеёря анда толпа ԥэндэ лэсти: «Учителё, ԥэн тирэ учениконэнди тэ ашэн мулком». 40 Но во ԥэндя лэнди: «Ԥэнав тумэнди: если вонэ ашэна мулком, тоди и бара зацыпина».

41 Кала о Исусо подлагля каринг о форо, во диқля пэр лэстэ, заровья 42 и ԥэндя: «Тэ полиноп ту, со андярэл каринг и мирно жызня... Но пока када гарадо тутар. 43 Авэла время, кала тирэ вороӷоря ваздэна круӷом тутэ стина анда востри каш и окружына* тут всаворэ ригэндар. 44 Вонэ умарэна тут и кодэлэн, ко жувэл катэ,* и на ашавэна андэр тутэ бар пэ барэстэ, важ кода кай о Дэл авеля тэ спушэл тутар*, ай ту када на полян».

45 О Исусо зажыля андэ қандири и ля тэ видаравэл котар лэ торӷовцонэн 46 и тэ ԥэнэн лэнди: «Пистромэ: „Мэрно цэр авэла цэр важ и молитва“, ай тумэ стердэ андар лэстэ бандицко ҭан!»

47 О Исусо кажно дес сытярэлас андэ қандири. И барэ рашая, и законикоря и барэ мануша камэнас лэс тэ умарэн, 48 но на ӷанэнас, сар када тэ стерэн, важ кода кай о народо на оджалас лэстар и ашунэлас, сости во сытярэл.