Свынто тайна
5 Андо право вас кай кодэва, ко бэшэл по троно, мэ додиқлэм лил, саво сас испистромэ лэдонэ ригэндар и саво сас стидо и ԥандадо пэ семь печати. 2 Кадяжэ мэ додиқлэм зоралэ анӷелос, саво ӷромко ԥэнэнас: «Ко достойно тэ злэл и печати и тэ ԥэрнавэл о лил?» 3 Но нико ни по небо, ни пэ ԥув, ни тала ԥув не моӷ тэ ԥэрнавэл о лил и тэ диқэл, со андэр лэстэ пистромэ. 4 Мэ фартэ ровавас, важ кода кай на виарақляпэ нико, ко авелоп достойно тэ ԥэрнавэл о лил и тэ диқэл, со андэр лэстэ пистромэ. 5 Но ек анда барэдэра ԥэндя манди: «На́ ров. О лево анда лэ Иудаско колено, анда лэ Давидоско ери*, победисардя и можэт тэ злэл и семь печати и тэ ԥэрнавэл о лил».
6 Паша троно, машкар штар зоралэ анӷелоря и барэдэра, мэ додиқлэм лэ бакрорэс, саво ԥэнэса сас андо́ сар жэртва, лэстэ сас семь роӷоря и семь яқа. (Кадэла яқа — лэ Дэвлэстирэ семь зора, савэ сас бишалдэ па вся и ԥув.) 7 Во поджыля кодэлэстэ, ко бэшэл по троно, и ля о лил анда лэско право вас. 8 Кала во ля о лил, и штар зоралэ анӷелоря и 24 барэдэра пэлинэ пэ чанга англа Бакроро. Кай кажно барэдэр сас арфа, и лэндэ сас сомнакунэ чарэ. Андэ кадэла чарэ сас ԥэрдо ароматно смесь, пэ сави ԥэнэн фимиамо. (О фимиамо — када лэ свынтонэндирэ молитвы.) 9 Вонэ дилабэнас нэви дили: «Ту достойно тэ лэс о лил и тэ злэс пар лэстэ и печати, важ кода кай тут андэ́ сар жэртва и ту пэстирэ ратэса тиндян важ о Дэл лэ манушэн анда всаворэ породы, нацыи и народоря, савэ дэн дума пэ разни шыба. 10 Ту стодян лэн амарэ Дэвлэстирэ царёнэнца и рашанца, и вонэ лэна тэ правин ла ԥувьяса».
11 Мэ диқлэм, кай круӷом троно и круӷом штар зоралэ анӷелоря и барэдэра тердён бут анӷелоря, и ашундэм лэнго ӷолосо. (Лэн сас бут тысячи, дажэ бут милионоря.) 12 Вонэ ӷромко ԥэнэнас: «Всаворэ трэбуй тэ прижанэн, кай о Бакроро, саво сас андо́ сар жэртва*, баро*, барвало, годявэрно, зорало, пативало, ашунгло и блаӷословлёно».
13 И мэ ашундэм, кай всаворэ, ко жувэл по небо, пэ ԥув, тала ԥув и андэ моря — всаворэ вонэ — ԥэнэнас: «Мэк кодэва, ко бэшэл по троно, и о Бакроро авэн блаӷословлёни, пативалэ, ашунглэ и зоралэ о вико вечно!» 14 И штар зоралэ анӷелоря ԥэндэ: «Аминь!» — и тоди и барэдэра пэлинэ пэ чанга и тэлелэ.