Свынто тайна
6 Потом мэ диқлэм, сар о Бакроро зля и пэрво анда семь печати, и ашундэм, сар ек анда штар зоралэ анӷелоря ԥэндя ӷолососа, саво шолпэ по ӷромо: «Вижа!» 2 И мэ додиқлэм парнэ грастэс, лэстирэ ездокостэ сас луко. О Дэл дя лэсти корона, и во лагля тэ победий пэстирэ вороӷонэн.
3 Кала во зля и дуйто печать, мэ ашундэм, сар о дуйто зорало анӷело ԥэндя: «Вижа!» 4 Вижыля авэр грас, рыжо сар яг. Лэстирэ ездокости сас домэкло тэ залэл и мирно жызня па ԥув, кай и мануша тэ умарэн ек еқэс, и лэсти сас дини бари шури.
5 Кала во зля и трито печать, мэ ашундэм, сар о трито зорало анӷело ԥэндя: «Вижа!» Мэ додиқлэм калэ грастэс, кай лэско ездоко андо вас сас висоря. 6 Мэ ашундэм, сар машкар штар зоралэ анӷелоря ашунделя варисо кацаво, со шоласпэ по ӷолосо, саво ԥэнэнас: «Ек килоӷрамо* пшэница важ ек мардо*, и трин килоӷраморя ячменё важ и трин мардэ. Фэрисар* о оливково вулей и о вино».
7 Кала во зля и штарто печать, мэ ашундэм, сар о штарто зорало анӷело ԥэндя: «Вижа!» 8 Мэ додиқлэм бледнонэ грастэс, пэ лэско ездоко ԥэнэнас Смэрть, и пала лэстэ жалас и моӷилка*. Лэнди сас дино право пэ ла ԥувьятири штарто часть — тэ бишалэн о мэримос ла шурятар, лэ боқалимастар, лэ ԥарэ насвалимастар и лэ зверёнэндар.
9 Кала во зля и панчто печать, мэ додиқлэм тэлэ паша жэртвенико о рат кодэлэнго, кас умардэ важ кода, кай вонэ ритярэнас лэ Дэвлэско законо* и росԥэнэнас важ лэстэ. 10 Вонэ ӷромко зацыписайлэ: «Всаворя люмако Хулай, саво свынто и чачуно, скати ту лэса тэ аштярэс? Кала жэ ту сындоса кодэлэн, ко жувэл пэ ԥув, и спушэса лэндар важ амаро рат?» 11 Лэнди динэ лунго парни ӥда и лэнди сас ԥэндо тэ поаштярэн инке набут, пока на стидэнапэ всаворэ лэндирэ амала и ԥрала, савэн умарэна, сар умардэ лэн.
12 Мэ додиқлэм, сар во зля и шовто печать. Тоди и ԥув фартэ пэрэтиносайля, о қам ашэля кало, сар травурно ӥда, о шон ашэля ратвало, 13 ай и черӷая пэлинэ пэ ԥув, сар пэрэл найспило инжыро ла баря балвалятар. 14 О небо збанделя, ԥэнэса рулоно, и на ашэля. Всаворэ плая и островоря зжылэ па пэстирэ ҭана. 15 И царёря пэ ԥув, и барэ мануша, лэ халавдэндирэ барэдэра, и барвалэ, и зоралэ и всаворэ, ко андо рабство и ко свободни, гараделэ андэ пещеры и андэ плая. 16 Вонэ ԥэнэнас лэ плаенди: «Фэрин амэн и гаравэн кодэлэстар, ко бэшэл по троно, и лэ Бакрорэстиря холятар. 17 Авеля о баро дес важ лэндири холи, и ко лэс можэт тэ пэрэжувэл?!»