Галатия
2 Тоди, через 14 бэрш, мэ упалэ жылэм андо Иерусалимо. Манца сас о Варна́ва, кадяжэ мэ лэм пэса лэ Титос. 2 Мэ жылэм интя, важ кода кай манди сас сыкадо, кай мэ трэбуй тэ жав. Котэ мэ диқлэмпэ кати лэ пативалэ ԥралэнца и ԥэндэм лэнди пала лащи новость, сави росԥэнав машкар авэр народоря. Мэ стердэм када, кай точно тэ ӷанав: мэ терав мэрни дила най евья*. 3 И дажэ по Ти́то, саво сас манца, нико на тасавэлас тэ опшындёл, хоть во и сыно греко. 4 Кадэва вопросо вазглэ и хохавнэ ԥрала, савэ чоралэс проӷульдэ андо ӷурто, кай тэ следин пала амэндэ. Вонэ камэн тэ одлэн амэндар и свобода, сави исин кодэлэндэ, ко андярэл лэ Христостири лэ Исусостири время*, и тэ стерэн амэн рабонэнца. 5 Но амэ на канглям лэн и ни андэр со на уступисардям лэнди, кай тумэ тэ на хасарэн о чачимос, саво уӷанглэ через и лащи новость.
6 Ай если тэ дас дума пала ашунглэ ԥрала — манди всаек, ко вонэ сас, важ кода кай о Дэл на гиндой пала мануша па кода, со дицол, — кадэла пативалэ ԥрала на ԥэндэ манди нисо нэво. 7 Но кадэла ԥрала додиқлэ, кай манди сас дино тэ росԥэнав и лащи новость лэ манушэнди анда авэр народоря*, сар лэ Петрости сас дино тэ росԥэнэн лэ евреёнэнди*, 8 важ кода кай кодэва, ко дя зор лэ Петрости тэ авэл апостало важ и евреёря*, дя зор и манди тэ авав апостало важ авэр народоря. 9 Кадяжэ вонэ уӷанглэ, кай о Дэл здиқля пэр мандэ па пэско баро ковло ди. Тоди о Иа́ково, о Ки́фа* и о Иоа́но, пэ савэ ритярдёл о ӷурто, динэ о вас манди и лэ Варнавасти, кай тэ ашас амала. Амэ жаса каринг авэр народоря, ай вонэ — каринг и евреёря*. 10 Вонэ кати манглэ амэн тэ сэрас пала чорорэ, и мэ старысававас када тэ терав.
11 Но, кала о Ки́фа авеля андэ Антио́хия, мэ лажавардэм лэс, важ кода кай во андярэлас пэс неправильно. 12 Во халас и пэлас лэ манушэнца анда авэр народоря, но кала авелэ и мануша лэ Иаковостар, во парашэля лэнца тэ хал и тэ пэл и ля лэн тэ обнашэл, кай даралас лэ евреёнэндар*. 13 И вместе лэса кадя жэ линэ тэ притерэнпэ авэр евреёря, и дажэ о Варна́ва жыля па лэнго долоӷо. 14 Кала мэ додиқлэм, кай вонэ оджылэ лэ чачунэ дромэстар, пала саво вонэ уӷанглэ через и лащи новость, мэ ԥэндэм лэ Кифасти англа всаворэ: «Если ту, евреё, жувэс сар мануш анда авэр народо, ай най сар евреё, тоди состэ ту заставис лэ манушэн анда авэр народоря тэ андярэн лэ евреёнэндири время?»
15 Сар и евреёря, ай най сар «бэзэхэстирэ мануша» анда авэр народоря, 16 амэ ӷанас, кай лэ манушэс прижанэн найдошалэса най через о законо, ай через кода, кай во патял андо Исусо Христос. Важ када амэ патяям андо Христос Исусо, кай амэн тэ прижанэн найдошалэнца через кода, кай патяс андо Христос, ай най через о законо. Ни еқэ манушэс на прижанэна найдошалэса через о законо. 17 Ай если амэн полэн сар бэзэхэстирэ манушэн, важ кода кай амэ старысавас тэ ашас найдошалэнца через о Христос, тоди сыкавэл када, кай о Христос подмарэл амэн каринг о бэзэх? Най! 18 Тэ вазглоп мэ упалэ кода, со варикала розмардэм, тоди мэ жылоп против о законо. 19 Мэ мулэм важ о законо, кала ритяравас лэс, кай тэ ашав жундо важ о Дэл. 20 Ман казнисардэ по столбо лэ Христоса. И ужэ най мэ жував, но андэр мандэ жувэл о Христос. Пока мэ находисавав андэ кадэя тила, мэ жував кодэлэса, кай патяв андэ лэ Дэвлэско Шаво, саво полюбисардя ман и муля важ мандэ. 21 Мэ на отԥэндював кодэлэстар, кай во здиқля пэр мандэ па пэско баро ковло ди, важ кода кай если манушэс прижанэн найдошалэса через о законо, тоди о Христос муля евья.