2 Каринфо

2 Мэ камав, кай, кала авава каринг тумэндэ пэ авэр разо, тэ на терав тумэнди ԥарэс по ди. 2 Если мандар тумэнди всаворэнди по ди авэла ԥарэс, тоди ко радуия ман? Кати кодэла, касти через мандэ ашэля ԥарэс по ди. 3 Кода, со мэ тумэнди пистросардэм, мэ пистросардэм, кай, кала авава, манди по ди тэ на авэл ԥарэс через тумэндэ, ай кай мэ тэ лошавав. Мэ патяв: состар лошало мэ, лошалэ и тумэ. 4 Мэ фартэ мучисававас и пистросаравас тумэнди ԥарэ одеса и ясвэнца — най важ кода кай тумэнди по ди тэ авэл ԥарэс, ай кай тумэ тэ уӷанэн, сар дэ фартэ мэ любисарав тумэн.

5 Если варико стердя тумэнди ԥарэс по ди, во стердя када най манди, ай, можно тэ ԥэнас, всаворэнди тумэнди. Но мэ на камав тэ шав пэ када бари сама*. 6 Кацавэ манушэсти хутила кода, кай бут мануша виандярдэ лэсти сындо. 7 Акана тумэнди фэдэр всаворэ́ одеса тэ простин лэс и тэ стерэн лэсти по ди май вушэро. Тоди лэсти на ашэла инке май вэрыто кодэлэстар, кай лэсти ԥарэс по ди. 8 Важ када мангав тумэн: поможын лэсти тэ патял, кай во тумэнди куч. 9 Мэ пистросардэм тумэнди кадяжэ важ кода, кай тэ уӷанав, кандэн тумэ андэ вся чи най. 10 Если тумэ варикас простин, тоди простисарав и мэ. И о Христос можэт тэ потвердий: вся, со мэ простисардэм (если сас со тэ простисарав), мэ простисардэм, кай тэ поможысарав тумэнди, 11 и о Сатана на опхохавэла амэн, важ кода кай амэ ӷанас пала лэско гиндо.

12 Кала мэ авелэм андэ Траа́да тэ росԥэнав и лащи новость пала Христос и манди випэля бах тэ терав лэ Барэ Хуластири дила, 13 ман шутя андэ дар, важ кода кай мэ на виарақлэм лэ Титос, мэрнэ ԥралэс. Кочай мэ ԥэндэм лэ учениконэнди, кай мэ жавтар, и тоди жылэм андэ Македо́ния.

14 Амэ блаӷодарисарас амарэ Дэвлэс, кай сар лэ халавдэн, савэ победисардэ и акана ринпэ цэрэ, во шукаримаса проандярэл амэн вместе лэ Христоса и, сар розжалпэ о лашо запахо, во дэл всаворэнди тэ уӷанэн пала пэстэ! 15 Амэ, ко росԥэнэн пала Христос, шаспэ по лашо гугло запахо. И када ашундёл кодэлэнди, ко трэбуй тэ спасыйпэ, и кодэлэнди, ко трэбуй тэ хындёл. 16 Важ кодэла, ко трэбуй тэ хындёл, када ла смэртяко запахо и андярэл каринг и смэрть, ай важ кодэла, ко трэбуй тэ спасыйпэ, када ла жызняко запахо, саво андярэл каринг и жызня. И ко ашэл тэ терэл кадэя дила? 17 Амэ поджас важ кадэя дила, важ кода кай амэ на битинас о алав лэ Дэвлэстар, сар дэсавэ. Кала амэ росԥэнас, амэ дас дума анда ди и андярас лэ Христостири время сар кодэла, кас бишалдя о Дэл. И амэ терас кадэя дила англа Дэл.