1 Каринфо
1 Када мэ, о Павло, кас о Дэл витидя тэ авэл лэ Христоско лэ Исусоско апостало, и амаро ԥрал о Сасфе́но. 2 Мэ пистросарав лэ Дэвлэстирэ манушэнди* андо форо Кари́нфо, кодэлэнди, кас витидя о Дэл и ко андярэл лэ Христостири лэ Исусостири время. Када тумэн о Дэл ақардя тэ авэн свынти вместе кодэлэнца, ко вся и время* взвийпэ па алавэстэ каринг амаро Баро Хулай о Исусо Христос, саво Хулай пэр лэндэ и пар мэндэ.
3 Мэк о Дэл, амаро Дад, и о Баро Хулай о Исусо Христос здиқэн пэр тумэндэ па пэско баро ковло ди и дэн мирно жызня.
4 Мэ вся и время блаӷодарисарав мэрнэ Дэвлэс, кай во через о Христос Исусо здиқля пэр тумэндэ па пэско баро ковло ди. 5 Тумэндэ исин бут блаӷословении, важ кода кай тумэндэ ек гиндо лэса, и лэстирэ зорэса тумэ линэ вся тэ полэн и сытелэ тэ росԥэнэн о алав лэ Дэвлэстар. 6 Кадя тумэ линэ май састэс тэ патян андо алав пала Христос. 7 Важ када тумэндэ исин вся, со трэбуй, пока тумэ аштярэн, кала амаро Баро Хулай о Исусо Христос сыкавэла пэско зор. 8 О Дэл вся и время лэла тэ поможый тумэнди тэ ашэнпэ састэ, кай нико тумэн тэ на дошалярэл, кала авэла лэ Исусоско лэ Христоско дес, амарэ Барэ Хуласко. 9 О Дэл на хохавэл*, и када во ақардя тумэн, кай тумэндэ тэ авэл ек гиндо лэстирэ Шавэса, лэ Исусоса лэ Христоса, амарэ Барэ Хуласа.
10 Амарэ Барэ Хуластирэ лэ Исусостирэ лэ Христостирэ зорэса мангав тумэн, ԥрала: ԥэнэн ек, на́ розделинпэ машкар пэстэ, мэк тумэндэ авэл ек гиндо и ек дума. 11 Ԥрала, дэсавэ, ко жувэл кай и Хло́я, росԥэндэ манди, кай тумэ споринпэ машкар пэстэ. 12 Акэ пала со мэ дав дума. Тумэ ԥэнэн: «Мэ лэ Павлоско ученико», «Ай мэ — лэ Апалососко», «Ай мэ — лэ Кифаско», «Ай мэ — лэ Христоско». 13 Сыкавэл када, кай лэ Христоско ӷурто* розделисайля? Хэба лэ Павлос казнисардэ пала тумэндэ по столбо? Или тумэ болделэ, кай прижанглэ лэ Павлос? 14 Мэ блаӷодарисарав лэ Дэвлэс, кай мэ болдэм кати лэ Криспос и лэ Гаёс, 15 кочай нико не можэт тэ ԥэнэн, кай тумэ прижанглэ лэ Павлос, кала болделэ. 16 Инке мэ болдэм лэ Стефаностирэ ерес. Но на сэрав, болдэм мэ инке варикас чи най. 17 О Христос бишалдя ман най тэ болав, ай тэ росԥэнав и лащи новость. И мэ на лэм тэ дав дума и тэ сытярав фартэ годявэрнэс, важ кода кай тоди авелоп евья, кай о Христос муля по столбо.
18 Кала и мануша, савэ хындёна, уӷанэн, кай о Христос муля по столбо, важ лэндэ када дилимос. Но важ амэндэ, ко спасыяпэ, — када лэ Дэвлэско зор. 19 Пала када пистромэ: «Мэ стерава, кай и годявэрнэ тэ ашэн дилэ, и отшава пэстар кодэлэн, ко бужангло». 20 Кай о годявэрно? Кай о законико? Кай о любителё тэ спорийпэ? О Дэл сыкадя, кай кода, со годявэрнэс важ кадэя люма, па чачимастэ дилимос. 21 И люма старыияспэ па пэстири годи тэ уӷанэн лэ Дэвлэс, но латэ на вижыля. Ай пэскати дэ годявэрно о Дэл дицэля тоди, кала во закамля тэ спасый кодэлэн, ко патяя лэ алавэсти, пала саво амэ росԥэнас и саво важ авэр здэлпэ дилимос.
22 И евреёря мангэн тэ сыкавэн лэнди чуда, и грекоря старыинпэ тэ ашэн май годявэрнэ, 23 ай амэ росԥэнас пала Христос, саво сас казнисардо по столбо. И евреёря через када змардён, ай важ авэр народоря — када дилимос. 24 Но важ кодэла, кас ақардя о Дэл, — важ и евреёря и важ и грекоря, — о Христос сыкавэл, пэскати дэ зорало и дэ годявэрно о Дэл. 25 О миро можэт тэ диқэл пэ кода, со лэ Дэвлэско, кай када дилимос и кадэлэстэ нинай зор, но вся када май годявэрно и май зорало лэ манушэндар.
26 Ԥрала, тумэ диқэн, савэ манушэн о Дэл витидя. Важ о миро кати набут андар лэндэ сас годявэрнэ, зоралэ и ашунглэ. 27 О Дэл витидя андэ люма кода, со дилимос, кай тэ лажаварэл лэ годявэрнэ манушэн, и витидя кода, андэр со нинай зор, кай тэ лажаварэл лэ зоралэ манушэн. 28 Кадяжэ о Дэл витидя андэ люма кода, со найашунгло и найпативало, кай тэ ашэл евья кода, со важно важ и люма. 29 Во стердя када, кай нико тэ на абурой англа Дэл. 30 Но через лэстэ тумэндэ акана ек гиндо лэ Христоса лэ Исусоса. О Христос поможый амэнди тэ полас, пэскати дэ годявэрно о Дэл, сар тэ андярас правильно жызня и тэ авас свынти. Кадяжэ через кода, кай о Дэл потиндя и цэмин, и мануша моӷут тэ спасынпэ. 31 Пала када сас пистромэ: «Ко абурой, мэк абурой лэ Иеговаса*».