Матфеё
1 Кадэя книжка росԥэнэн пала лэ Исусостири лэ Христостири* жызня*. Во сас анда лэ Давидоско ери, анда лэ Авраамоско колено*.
2 Кай о Авраамо арақаделя о Иса́ко,
кай о Иса́ко арақаделя о Иа́ково,
кай о Иа́ково арақаделя о Иу́да и авэр шавэ,
3 кай о Иу́да ла Фамарятар арақаделя о Фаре́со и о Зера́хо,
кай о Фаре́со арақаделя о Хецро́но,
кай о Хецро́но арақаделя о Ра́мо,
4 кай о Ра́мо арақаделя о Аминада́во,
кай о Аминада́во арақаделя о Нахшо́но,
кай о Нахшо́но арақаделя о Салмо́но,
5 кай о Салмо́но ла Рааватар арақаделя о Баа́зо,
кай о Баа́зо ла Руфятар арақаделя о Аве́до,
кай о Аве́до арақаделя о Есе́ё,
6 кай о Есе́ё арақаделя о Давидо, саво ашэля царё.
Кай о Давидо лэ Уриястиря хулаятар арақаделя о Саламоно,
7 кай о Саламоно арақаделя о Раваа́мо,
кай о Раваа́мо арақаделя о А́вия,
кай о А́вия арақаделя о А́са,
8 кай о А́са арақаделя о Ясафа́то,
кай о Ясафа́то арақаделя о Яра́мо,
кай о Яра́мо арақаделя о У́зия,
9 кай о У́зия арақаделя о Яфа́мо,
кай о Яфа́мо арақаделя о Аха́зо,
кай о Аха́зо арақаделя о Езэки́я,
10 кай о Езэки́я арақаделя о Мана́сия,
кай о Мана́сия арақаделя о Амо́но,
кай о Амо́но арақаделя о Ёсия.
11 Кай о Ёсия арақаделя о Ехо́ния и авэр шавэ. Андэ кодэя время и израильтяноря сас залинэ андо Вавило́но.
12 Посли кода сар и израильтяноря сас залинэ андо Вавило́но, кай о Ехо́ния арақаделя о Шалтие́ло,
кай о Шалтие́ло арақаделя о Зарава́велё,
13 кай о Зарава́велё арақаделя о Авиу́до,
кай о Авиу́до арақаделя о Еляки́мо,
кай о Еляки́мо арақаделя о Азо́ро,
14 кай о Азо́ро арақаделя о Цадо́ко,
кай о Цадо́ко арақаделя о Ахи́мо,
кай о Ахи́мо арақаделя о Елиу́до,
15 кай о Елиу́до арақаделя о Еляза́ро,
кай о Еляза́ро арақаделя о Матфа́но,
кай о Матфа́но арақаделя о Я́ково,
16 кай о Я́ково арақаделя о Ио́сифо, ла Марияко хулай. Латэ арақаделя о Исусо, пэ саво ԥэнэн Христос.
17 Ни акэ, лэ Авраамостар жы каринг о Давидо сас 14 коленоря; лэ Давидостар жы каринг кодэя время, сар и израильтяноря сас залинэ андо Вавило́но, — 14 коленоря; и кодэла времятар, сар и израильтяноря сас залинэ андо Вавило́но, жы каринг о Христос — 14 коленоря.
18 Акэ сар арақаделя о Исусо Христос. Лэстири дэй и Мария сас просватано пала Ио́сифо, но, англа кода сар вонэ тэ жэнинпэ, вой ля тэ аштярэл бэятос* через о свынто зор*. 19 Лако хулай о Ио́сифо сас правильно мануш*, во на камля, кай пэр латэ тэ жал лажаимос, и важ када закамля чоралэс ласа тэ розжалпэ*. 20 Но кала во погиндосардя пала када, лэсти андэ сунэстэ сыкаделя лэ Иеговаско* анӷело и ԥэндя: «Ио́сифо, лэ Давидоско шаво, на́ дар тэ жэниспэ пэ Мария*, важ кода кай вой аштярэл бэятос* через о свынто зор. 21 Латэ арақадёла шаво, и ту приԥэнэса лэсти Исусо*, важ кода кай во спасыя пэстирэ народос лэ бэзэхэстар». 22 Вся када тердяпэ, кай тэ ашэл кадя, сар ԥэндя о Иегова* через пэско особо мануш*: 23 «И щей* лэла тэ аштярэл бэятос* и анэна шавэс, и лэсти приԥэнэна Емануи́ло», со означает «О Дэл амэнца».
24 Кала о Ио́сифо прошутяпэ, во стердя кадя, сар приԥэндя лэсти лэ Иеговаско* анӷело, и жэнисайля пэ Мария*. 25 Но лэндэ нисо на сас*, пока латэ на арақаделя шаво. И во приԥэндя лэсти Исусо.